11 Jun, 2020 মাননীয় মুখ্যমন্ত্ৰী শ্ৰী যুত সৰ্বানন্দ সোণোৱালে শোণিতপুৰৰ ধাৰিকাটিত 'সাহিত্য মনীষী উপবন'ৰ শুভ উদ্বোধন কৰে। এই উপলক্ষে তেখেতে এটি গছপুলি ৰোপণ কৰে। "বিগত দুটা বছৰত অসমত ২২২ বৰ্গ কিমি. বনাঞ্চল বৃদ্ধি পাইছে। এয়া সম্ভৱ হৈ উঠিছে বন বিভাগৰ অহৰহ্ প্ৰচেষ্টা আৰু ৰাইজৰ সহযোগিতাৰ ফলত। এখন 'স্বচ্ছ আৰু সেউজ' অসম গঢ়ি তোলাৰ বাবে এই সময়ছোৱাত কমেও এটাকৈ গছপুলি ৰুবলৈ সকলোকে মই আহ্বান জনাইছোঁ।"- মুখ্যমন্ত্ৰীয়ে মন্তব্য কৰে। অনুষ্ঠানত অসম চৰকাৰৰ মন্ত্ৰীদ্বয় শ্ৰী পৰিমল শুক্লবৈদ্য, শ্ৰী নৱ কুমাৰ দলে, সাংসদ শ্ৰী পল্লৱ লোচন দাস, বিধায়কসকল ক্ৰমে- শ্ৰী পদ্ম হাজৰিকা, শ্ৰী অশোক সিংঘল আৰু শ্ৰী গণেশ লিম্বু উপস্থিত থাকে।