বিশেষ বাতৰি: সমাজ ধংস নকৰিবলৈ বিশ্বৰ ৰাজনৈতিক দলসমূহলৈ অসমৰ সচেতন নাগৰিকৰ আহ্বান
গুৱাহাটী/অসম:
সাম্প্ৰতিক বিশ্বৰ ৰাজনৈতিক প্ৰেক্ষাপটত ক্ৰমান্বয়ে বৃদ্ধি পোৱা বিভাজন আৰু মেৰুকৰণৰ ৰাজনীতিক লৈ গভীৰ উদ্বেগ প্ৰকাশ কৰিছে অসমৰ এজন সচেতন নাগৰিক মাধৱ গগৈয়ে। এক বিবৃতিৰ জৰিয়তে তেওঁ সমগ্ৰ বিশ্বৰ লগতে দেশৰ ৰাজনৈতিক দলসমূহক সমাজ ব্যৱস্থা ধংস নকৰিবলৈ এক বিশেষ আহ্বান জনাইছে।
গগৈয়ে তেওঁৰ আহ্বানত উল্লেখ কৰে যে, "ক্ষমতাৰ লালসাত পৰি ৰাজনৈতিক দলসমূহে সমাজখনক ধৰ্ম, বৰ্ণ আৰু ভাষাৰ নামত ভাগ কৰাটো অতি পৰিতাপৰ বিষয়। এখন ভাঙি যোৱা সমাজ পুনৰ গঢ়াটো অতি কঠিন, সেয়েহে ৰাজনীতি সমাজ পৰিৱৰ্তনৰ সঁজুলি হোৱা উচিত, সমাজ ধ্বংসৰ নহয়।"
তেওঁৰ আহ্বানৰ মূল চৰ্তসমূহ হ’ল:
১/ ভোট বেংকৰ বাবে সাম্প্ৰদায়িক মেৰুকৰণ বন্ধ কৰা।
২/ শিক্ষা, স্বাস্থ্য আৰু নিয়োগৰ দৰে মৌলিক সমস্যাত গুৰুত্ব দিয়া।
৩/ ঘৃণা ভাষণ (Hate Speech) পৰিহাৰ কৰি সুস্থ গণতন্ত্ৰ গঢ়ি তোলা।
অসমৰ এজন সাধাৰণ নাগৰিকৰ এই নিৰ্ভীক আৰু সময়োপযোগী পদক্ষেপে এতিয়া ছচিয়েল মিডিয়াতো ব্যাপক চৰ্চা লাভ কৰিছে। মাধৱ গগৈৰ মতে, যদি যুৱ প্ৰজন্মক সঠিক দিশ নিৰ্দেশনা দিয়া নহয় আৰু কেৱল শ্লোগান দিয়াৰ বাবে ব্যৱহাৰ কৰা হয়, তেন্তে ভৱিষ্যত সমাজ ব্যৱস্থা সম্পূৰ্ণৰূপে খহি পৰিব।
"আমি উন্নয়নৰ বাবে তৰ্ক হোৱাটো বিচাৰোঁ, কিন্তু মানুহৰ মাজৰ সম্প্ৰীতি ধংস হোৱাটো কেতিয়াও নিবিচাৰোঁ," বুলি তেওঁ বিবৃতিটোৰ শেষত উল্লেখ কৰে।
Northeast News India
