জনসংযোগ গোলাঘাট প্ৰেছ বিজ্ঞপ্তি নং : ২৮৯/২০২২
পি এন বি আৰছেটিৰ উদ্যোগত
'পশু মিত্ৰ' বা 'মৎস্য মিত্ৰ'ৰ বাবে আবেদন আহ্বান
গোলাঘাট, ১৭ জুন : পঞ্জাৱ নেশ্যনেল বেংকৰ গ্ৰামীণ স্ব-নিয়োজন প্ৰশিক্ষণ প্ৰতিষ্ঠানৰ উদ্যোগত ৯০ দিনীয়া 'আজাদী চে অন্ত্যেদয়া তক' অভিযানৰ অংশৰূপে তৃণমূল পৰ্য্যায়ত 'পশু মিত্ৰ' বা 'মৎস্য মিত্ৰ' হিচাপে কাম কৰিবলৈ আগ্ৰহী ন্যূনতম দশম শ্ৰেণী উত্তীৰ্ণ ১৮ ৰ পৰা ৪৫ বছৰ বয়সৰ ২৫ গৰাকী প্ৰাৰ্থীৰ বাবে আবেদন বিচৰা হৈছে । সাক্ষাৎকাৰৰ যোগেদি অৰ্হতাৰ ভিত্তিত প্ৰাৰ্থী বাচনি কৰা হ'ব । অসম ৰাজ্যিক গ্ৰামীণ জীৱিকা অভিযানৰ অধীনত 'পশু সখী' বা 'কৃষি সখী' হিচাপে কাম কৰি থকা আৰু দৰিদ্ৰ সীমাৰেখাৰ তলৰ প্ৰাৰ্থীক এই প্ৰশিক্ষণৰ বাবে অগ্ৰাধিকাৰ দিয়া হ'ব ।
৬০ দিনীয়া আৱাসিক কাৰ্যসূচীৰ অন্তত গ্ৰামোন্নয়ন আৰু স্ব-নিয়োজন প্ৰশিক্ষণ প্ৰতিষ্ঠান ৰাষ্ট্ৰীয় একাডেমীৰ পৰা NSQF লেভেল ৪ ৰ স্কিল ইণ্ডিয়া প্ৰমাণপত্ৰ প্ৰদান কৰা হ'ব । লগতে বেংকৰ জৰিয়তে ঋণ প্ৰদানৰো ব্যৱস্থা কৰা হ'ব । তদুপৰি, প্ৰয়োজন অনুসৰি পশুপালন আৰু পশু চিকিৎসা বিভাগ আৰু মীন বিভাগৰ পৰা প্ৰশিক্ষাৰ্থীসকলক সহায় আৰু কাৰিকৰী সহযোগিতা আগবঢ়োৱা হ'ব । বিনামূলীয়া থকা-খোৱাৰ ব্যৱস্থাৰে এই প্ৰশিক্ষণ সম্পূৰ্ণ বিনামূলীয়া হ'ব ।ইচ্ছুকসকলে আবেদন দাখিল কৰিবলৈ তলৰ ঠিকনাত যোগাযোগ কৰিব পাৰে ।
সঞ্চালক, পি এন বি, আৰছেটি গোলাঘাট, উন্নয়ন খণ্ড চৌহদ, এ টি ৰোড, বোকাখাত -৭৮৫৬১২, জিলা - গোলাঘাট, অসম ।
অথবা
লীড বেংক মেনেজাৰ, লীড বেংক কাৰ্যালয়, পি এন বি, গোলাঘাট- ৭৮৫৬২১ ।
অধিক তথ্যৰ বাবে ৮৭২০৯৬২৮৭০/ ৮৮২২৩৮৬২৯২ নম্বৰত যোগাযোগ কৰিব পাৰে ।
*জিলা তথ্য আৰু জনসংযোগ বিষয়া, গোলাঘাট*
NORTHEAST NEWS INDIA
