প্ৰধানমন্ত্ৰী আৱাস যোজনা(গ্ৰামীণ)ৰ ৰূপায়নত হোৱা অনিয়ম সন্দৰ্ভত ধুবুৰী জিলাৰ জনসাধাৰণে হোৱাটছআপ যোগে অভিযোগ কৰিব পাৰিব এই ৯৩৮৭৫৪৯৭০২ নম্বৰত৷ ধুবুৰী জিলা উপায়ুক্ত ডাঙৰীয়াই পোনপটীয়াকৈ অভিযোগসমূহ চাই গ্ৰহণ কৰিব ব্যৱস্থা৷
NORTHEAST NEWS INDIA
Monday, 11 April 2022
*অসম ৰাজ্যিক গ্ৰামীণ জীৱিকা অভিযান, গোলাঘাটৰ অধীনত এল ই ডি বাল্ব প্ৰস্তুতকৰণ প্ৰকল্প ৰূপায়ণ*
জনসংযোগ, গোলাঘাট প্ৰেছ বিজ্ঞপ্তি নং : ২৬১
*অসম ৰাজ্যিক গ্ৰামীণ জীৱিকা অভিযান, গোলাঘাটৰ অধীনত এল ই ডি বাল্ব প্ৰস্তুতকৰণ প্ৰকল্প ৰূপায়ণ*
গোলাঘাট, ১১ এপ্ৰিল : অসম ৰাজ্যিক গ্ৰামীণ জীৱিকা অভিযান, গোলাঘাটৰ অধীনত মৰঙী খণ্ড অভিযান পৰিচালনা গোটৰ মণ্ডল পৰ্যায়ৰ সংস্থা, স্মৃতি ( ফলঙনি গাঁও পঞ্চায়ত ) ৰ উদ্যোগত যোৱা মাৰ্চ মাহত এচি ডিচি এলইডি বাল্ব প্ৰস্তুতকৰণৰ এটা প্ৰকল্প ৰূপায়ন কৰা হয় । লুচিয়ান এনাৰ্জি এণ্ড ইনফ্ৰাৰ সহযোগত ৰূপায়ন কৰা এই প্ৰকল্প জিলা উপায়ুক্ত মৃগেশ নাৰায়ণ বৰুৱাই যোৱা ১৪ মাৰ্চত আনুষ্ঠানিকভাৱে শুভাৰম্ভ কৰে । সংস্থাৰ উদ্যোগত এতিয়ালৈকে ১৫০০ তা এনে বাল্ব প্ৰস্তুত কৰা হৈছে । গোটটোৱে প্ৰাৰম্ভিক পৰ্যায়ত ৩০,০০০ তা বাল্ব প্ৰস্তুত কৰাৰ পৰিকল্পনা কৰিছে । যোৱা ৮ এপ্ৰিলত জিলা উপায়ুক্তৰ কাৰ্যালয়ৰ সভাকক্ষত অনুষ্ঠিত জিলা উন্নয়ন সমিতিৰ বৈঠকত উপায়ুক্ত গৰাকীয়ে প্ৰতিটো
বাল্বত ২৬০ টকা মূল্যত ৯ ৱাটৰ ৯০ টা বাল্ব জিলাখনৰ বিভিন্ন বিভাগক অৰ্পন কৰে । উপায়ুক্ত গৰাকীয়ে এই বাল্বসমূহ ক্ৰয় কৰি স্থানীয়ভাৱে প্ৰস্তুত কৰা সামগ্ৰীৰ প্ৰসাৰ আৰু প্ৰচাৰত অৰিহণা যোগাবলৈ বিভাগসমূহৰ প্ৰতি আহ্বান জনায় । তেওঁ লগতে ৭০০২১-৬৬১৩৫ নম্বৰত ফোন কৰি অথবা অসম ৰাজ্যিক গ্ৰামীণ জীৱিকা অভিযানৰ সৈতে যোগাযোগ কৰি বাল্বসমূহ ক্ৰয় কৰিবলৈ অনুৰোধ জনায় । উল্লেখযোগ্য যে এই বাল্বসমূহৰ বিশেষত্ব হ'ল বিদ্যুৎ নথকা অৱস্থাত সৰ্বাধিক ৩ ঘণ্টা পৰ্যন্ত এই বাল্ব সমূহে পোহৰ দিয়ে ।
*জিলা তথ্য আৰু জনসংযোগ বিষয়া, গোলাঘাট*
NORTHEAST NEWS INDIA
Sunday, 10 April 2022
Saturday, 9 April 2022
Friday, 8 April 2022
ৰাষ্ট্ৰীয় মানৱ অধিকাৰ আৰু অপৰাধ নিয়ন্ত্ৰণ বিউৰিঅ গোলাঘাট শাখাৰ উদ্যোগত সজাগতা
ৰাষ্ট্ৰীয় মানৱ অধিকাৰ আৰু অপৰাধ নিয়ন্ত্ৰণ বিউৰিঅ গোলাঘাট শাখাৰ উদ্যোগত সজাগতা
গোলাঘাট, ৮এপ্ৰিল। গোলাঘাটত ৰাষ্ট্ৰীয় মানৱ অধিকাৰ আৰু অপৰাধ নিয়ন্ত্ৰণ বিউৰিঅৰ গোলাঘাট শাখাৰ উদ্যোগত গোলাঘাট চহৰত বিশ্ব স্বাস্থ্য দিৱস উদযাপন লগত সংগতি ৰাখি সজাগতা। ৭ এপ্ৰিল দিনা গোলাঘাট চহৰত থকা কেইবাখনো মিঠাই দোকান আৰু হোটেলত ৰাষ্ট্ৰীয় মানৱ অধিকাৰ আৰু অপৰাধ নিয়ন্ত্ৰণ বিউৰিঅৰ গোলাঘাট শাখাৰ কাৰ্য্যকৰ্তা সকলে উপস্থিত হৈ মালিক আৰু কৰ্মচাৰী সকলক তেওঁলোকৰ দোকানত থকা খাদ্য সামগ্ৰী যেনে মিঠাইৰ দাম লিখি ৰখা দৰে মিঠাই বনোৱা তাৰিখ আৰু উকলি যোৱা তাৰিখ লিখি থব লাগে, দোকান খন পৰিস্কাৰ পৰিচন্নতা কৈ ৰখা, মালিক আৰু কৰ্মচাৰী দোকানত থাকোতে চাফ চিকুন কৈ থকা, খোৱা সামগ্ৰী বিক্ৰী কৰোতে হেন্ড গ্লভ লগাই থৱ লাগে আৰু মাখি, ধূলি বালি নপৰাকৈ খোৱা সামগ্ৰী ঢাকি ৰখা ইত্যাদি বিভিন্ন ধৰনে সজাগতা কৰে। এই সজাগতা অনুষ্ঠানত ৰাষ্ট্ৰীয় মানৱ অধিকাৰ আৰু অপৰাধ নিয়ন্ত্ৰণ বিউৰিঅৰ গোলাঘাট শাখাৰ সভানেত্ৰী অনুৰেখা বাকিলিৱাল, উপ সভাপতি সন্তোষ কুমাৰ কানু, ব্লক সভানেত্ৰী ৰসীতা জচৱাল, মিডিয়া বিষয়া সোণেশ্বৰ বাঢ়ৈ,অশোক চাহু, সঞ্জীৱ কুমাৰ প্ৰজাপতি আৰু ভলনটিয়াৰ বিশাল ৰজক, সঞ্জয় দে, ব্ৰ্ৰীজমণী পাণ্ডে আৰু স্থানীয় যুৱ সমাজকৰ্মী মনোজ তাঁতী, পাপো তাঁতীয়ে অংশ গ্ৰহণ কৰে। এই সজাগতা সময়ত দোকানৰ মালিক সকলক বিশ্ব স্বাস্থ্য দিৱসৰ লগত সংগতি ৰাখি এখনকৈ প্ৰশংসা পত্ৰ জিলা শাখাই প্ৰদান কৰে। এনেধৰণৰ কাৰ্য্যসূচীৰ দ্বাৰা সজাগতা কৰাৰ বাবে এনে পদক্ষেপক মালিক পক্ষ আৰু জন সাধাৰনে উদ্যোগতা সকলক শলাগ লয়।
Sanjib Kumar Prajapati Report Northeast News India
*গোলাঘাটত সখী স্বেচ্ছাসেৱীসকলৰ তিনিদিনীয়া প্ৰশিক্ষণৰ সামৰণি**গাঁৱত হোৱা দুৰ্যোগত গাঁৱৰ মহিলাই ল'ব স্বেচ্ছাসেৱীৰ ভূমিকা*
জনসংযোগ, গোলাঘাট প্ৰেছ বিজ্ঞপ্তি নং : ২৬০
*গোলাঘাটত সখী স্বেচ্ছাসেৱীসকলৰ তিনিদিনীয়া প্ৰশিক্ষণৰ সামৰণি*
*গাঁৱত হোৱা দুৰ্যোগত গাঁৱৰ মহিলাই ল'ব স্বেচ্ছাসেৱীৰ ভূমিকা*
গোলাঘাট, ৮ এপ্ৰিল : গোলাঘাট জিলা দুৰ্যোগ ব্যৱস্থাপনা প্ৰাধিকৰণৰ উদ্যোগত আৰু নুমলিগড় শোধনাগাৰ লিমিটেডৰ সহযোগত জিলা গ্ৰামোন্নয়ন অভিকৰণৰ প্ৰেক্ষাগৃহত অনুষ্ঠিত 'সখী' স্বেচ্ছাসেৱীসকলৰ তিনিদিনীয়া প্ৰশিক্ষণৰ আজি সামৰণি পৰে । আজিৰ সামৰণি অনুষ্ঠানত জিলা উপায়ুক্ত মৃগেশ নাৰায়ণ বৰুৱাই অংশ লৈ 'সখী' স্বেচ্ছাসেৱীসকলক প্ৰশিক্ষণ প্ৰদানৰ এনে কাৰ্যসূচী পৰৱৰ্তী সময়ত জিলাখনৰ অন্যান্য ঠাইতো গ্ৰহণ কৰা হ'ব বুলি উল্লেখ কৰে । তেওঁ কয় যে এই প্ৰশিক্ষণত লাভ কৰা জ্ঞান যে কেৱল দুৰ্যোগৰ সময়ত আনৰ বাবেহে প্ৰয়োজন হ'ব এনে নহয়, বৰং ব্যক্তিগত জীৱনতো এই জ্ঞান প্ৰয়োগ কৰিব পৰা যাব । তেওঁ পৰীক্ষামূলকভাৱে গ্ৰহণ কৰা এই প্ৰকল্প গাঁওসমূহত ৰূপায়ন কৰা হ'ব বুলি উল্লেখ কৰি প্ৰশিক্ষণত ভাগ লোৱা মৰঙীৰ কুৰুকা গাঁৱৰ বিভিন্ন আত্মসহায়ক গোটৰ মহিলাসকলৰ শলাগ লয় । তেওঁ কয় যে এই 'সখী' প্ৰকল্প কাৰ্যকৰী হ'লে নিজৰ গাঁৱত হোৱা দুৰ্যোগত গাঁৱৰ মহিলাই স্বেচ্ছাসেৱীৰ ভূমিকা ল'ব পাৰিব । অনুষ্ঠানত অংশ লৈ জিলা পৰিষদৰ মুখ্য কাৰ্যবাহী বিষয়া ধীৰাজ দাসে দুৰ্যোগৰ সময়ত আশ্ৰয় শিবিৰসমূহত স্বাস্থ্যৰক্ষা আৰু অন্যান্য ক্ষেত্ৰত মহিলাৰ বাবে অনুকূল ব্যৱস্থা তথা বাতাবৰণ সৃষ্টি কৰাত গুৰুত্ব আৰোপ কৰে । অনুষ্ঠানত ভাগ লোৱা সখী স্বেচ্ছাসেৱীসকলক জিলা উপায়ুক্ত আৰু উপস্থিত বিশিষ্ট ব্যক্তিসকলৰ দ্বাৰা প্ৰমানপত্ৰ প্ৰদান কৰা হয় । স্বেচ্ছাসেৱীসকলে যিকোনো দুৰ্যোগৰ সময়ত ল'বলগীয়া সাৱধানতা আৰু প্ৰাথমিক চিকিৎসা আদিৰ কৌশল প্ৰদৰ্শন কৰে । উল্লেখযোগ্য যে তিনিদিনীয়া এই প্ৰশিক্ষণকালত অসামৰিক প্ৰতিৰক্ষা বিভাগৰ দ্বাৰা অগ্নিকাণ্ডৰ সময়ত ল'বলগীয়া সাৱধানতা, উদ্ধাৰৰ কৌশল আদি দুৰ্যোগ ব্যৱস্থাপনাৰ সাধাৰণ জ্ঞান, স্বাস্থ্য বিভাগৰ দ্বাৰা প্ৰাথমিক চিকিৎসা, ক'ভিড পৰিস্থিতিত প্ৰয়োজনীয় সতৰ্কতা, জনস্বাস্থ্য কাৰিকৰী বিভাগৰ দ্বাৰা পৰিষ্কাৰ-পৰিচ্ছনতা আৰু অনাময়, পশুপালন আৰু পশুচিকিৎসা বিভাগৰ দ্বাৰা পোহনীয়া জীৱ-জন্তুৰ চিকিৎসা, চোৱা-চিতা আৰু দুৰ্যোগ ব্যৱস্থাপনাৰ ক্ষেত্ৰ বিষয়াসকলৰ দ্বাৰা এছ ডি আৰ এফৰ বিভিন্ন ব্যৱস্থা, আৰ্থিক সাহায্য আদিৰ বিষয়ে প্ৰশিক্ষণ প্ৰদান কৰা হয় । ক্ষেত্ৰ বিষয়া আকাশ শৰ্মাই আঁত ধৰা আজিৰ কাৰ্যসূচীত জিলা গ্ৰামোন্নয়ন অভিকৰণৰ প্ৰকল্প সঞ্চালক অবিনাশ শইকীয়া, অসামৰিক প্ৰতিৰক্ষাৰ উপ-নিয়ন্ত্ৰক বিকাশ শইকীয়া, ডি ডি এম এৰ জিলা প্ৰকল্প বিষয়া ৰণী ৰাজকুমাৰ আৰু ভালেসংখ্যক লোক উপস্থিত আছিল । উল্লেখযোগ্য যে তিনিদিনীয়া এই প্ৰশিক্ষণকালত জ্যেষ্ঠ চিকিৎসক ডাঃ অনন্ত বৰুৱা, পশু চিকিৎসা বিষয়া ডাঃ যোগেশ্বৰ বড়ি, জনস্বাস্থ্য কাৰিকৰী বিভাগৰ কণিষ্ঠ অভিযন্তা বিজু হাজৰিকাকে ধৰি কেইবাগৰাকীও প্ৰশিক্ষকে অংশ লয় ।
*জিলা তথ্য আৰু জনসংযোগ বিষয়া, গোলাঘাট*
NORTHEAST NEWS INDIA
Subscribe to:
Posts (Atom)
পৃথিৱীৰ ধংশ সমাগত
🕉ভৱিষ্যতবাণী🕉 👉 পৃথিৱীৰ ধংশ সমাগত 👉 সাৱধান মানৱ জাতি। সেই বিশ্বৰ মানৱ জাতি সাৱধান। সময় থাকোতেই মানৱ জাতিয়ে ভূল সমূহ সূধৰা...
-
03 December, 2020 GOLAGHAT SUKAFA DIVAS চ্যুকাফা দিবস l চ্যুকাফা দিবস উপলক্ষে বুধবাৰে গোলাঘাট নগৰৰ মাজমজিয়া স্থিত চ্যুকাফা ক্ষেত্ৰত চ্যু...
-
30 November, 2020 সময়ৰ নিৰ্মম সত্য উপলব্ধি কৰো আহক... # উচ্চ শিক্ষিত আৰু কম শিক্ষিতৰ কোনো পাৰ্থক্য নাথাকে চল্লিশ বছৰ বয়সত । উচ্চ শিক্ষিত জন... -
08 December, 2020 কৃষক আন্দোলনৰ নামত আজি ঘোষণা কৰা হ’ল ভাৰত বন্ধ ৷ কিন্ত আজিৰ বন্ধদিনা দুখিয়া ভোকাতুৰৰ ওচৰত উপস্থিত হ"ল এজন সমাজকৰ্মী ...
