Golaghat COVID-19🦠😷 Details

Golaghat COVID-19🦠😷 Details

*গোলাঘাটত গণৰাজ্য দিৱসৰ কেন্দ্ৰীয় কাৰ্যসূচীত চাহ জনগোষ্ঠী কল্যান মন্ত্ৰী সঞ্জয় কিষাণ**স্বচ্ছতা, দায়বদ্ধতা আৰু গতিশীলতাৰে প্ৰশাসনক ৰাইজৰ মাজলৈ নিবলৈ ৰাজ্য চৰকাৰ প্ৰতিশ্ৰুতিবদ্ধঃ কিষাণ*

জনসংযোগ, গোলাঘাট প্ৰেছ বিজ্ঞপ্তি নং : ২৪০

*গোলাঘাটত গণৰাজ্য দিৱসৰ কেন্দ্ৰীয় কাৰ্যসূচীত চাহ জনগোষ্ঠী কল্যান মন্ত্ৰী সঞ্জয় কিষাণ*

*স্বচ্ছতা, দায়বদ্ধতা আৰু গতিশীলতাৰে প্ৰশাসনক ৰাইজৰ মাজলৈ নিবলৈ ৰাজ্য চৰকাৰ প্ৰতিশ্ৰুতিবদ্ধঃ কিষাণ*

গোলাঘাট, ২৬ জানুৱাৰীঃ গোলাঘাটতো আজি দেশৰ ৭৩ সংখ্যক গণৰাজ্য দিৱস ক'ভিডৰ স্বাস্থ্যবিধি মানি উদযাপন কৰা হয় । এই উপলক্ষে জিলা সদৰ গোলাঘাটৰ সমন্বয় পথাৰত আয়োজিত কেন্দ্ৰীয় কাৰ্যসূচীত অসম চৰকাৰৰ চাহ জনগোষ্ঠী কল্যান আৰু শ্ৰমিক কল্যান বিভাগৰ মন্ত্ৰী সঞ্জয় কিষাণে ত্ৰিৰংগ পতাকা উত্তোলন কৰে । তেওঁ আৰক্ষী আৰু অৰ্ধসামৰিক বাহিনীৰ অভিবাদন গ্ৰহণ কৰে । অনুষ্ঠানত দিয়া ভাষণত মন্ত্ৰীগৰাকীয়ে প্ৰথমেই দেশৰ স্বাধীনতা সংগ্ৰামত প্ৰাণ বিসৰ্জন দিয়া বীৰ শ্বহীদসকলক শ্ৰদ্ধাৰে স্মৰণ কৰে । তেওঁ লগতে ভাৰতীয় সংবিধানৰ প্ৰণেতাসকলৰ প্ৰতিও শ্ৰদ্ধা নিবেদন কৰে । মন্ত্ৰীগৰাকীয়ে নিজৰ ভাষণত বৰ্তমানৰ চৰকাৰখনে ৰাজ্যৰ লগতে গোলাঘাট জিলাত বিভিন্ন বিভাগৰ যোগেদি ৰূপায়ন কৰা উন্নয়নমূলক কাম-কাজৰ খতিয়ান দাঙি ধৰে ।

পি এম কিষাণ আচঁনিখনৰ কথা উল্লেখ কৰি তেওঁ কয় যে জিলাখনত এই আঁচনিৰ অধীনত ৫৬,১১৫ জন হিতাধিকাৰী উপকৃত হৈছে । প্ৰসংগক্ৰমে তেওঁ ৰাজ্য চৰকাৰে গোলাঘাটকে ধৰি ছখন চিকিৎসা মহাবিদ্যালয় স্থাপনৰ বাবে ব্যৱস্থা লোৱাৰ কথা উল্লেখ কৰে । আনহাতে কেন্দ্ৰীয় চৰকাৰৰ অভিলাষী আঁচনি জল জীৱন অভিযান ৰূপায়ন সন্দৰ্ভত তেওঁ কয় যে গোলাঘাট জনস্বাস্থ্য কাৰিকৰী সংমণ্ডলৰ অধীনত ২০২১-২২ বৰ্ষত ২২৩খন পানী যোগান আঁচনি ৰূপায়নেৰে ৬৩,৮৬৪ টা বাসগৃহলৈ টেপযুক্ত পানী যোগানৰ ব্যৱস্থা কৰাৰ লক্ষ্য লোৱা হৈছে । আনহাতে তিনিখন মেগা খোৱাপানী যোগান আঁচনিৰ কাম মাৰ্চ মাহৰ ভিতৰত সম্পূৰ্ণ হ'ব বুলিও তেওঁ উল্লেখ কৰে । তেওঁ কয় যে প্ৰধানমন্ত্ৰী মাতৃ বন্দনা যোজনাৰ অধীনত গোলাঘাট জিলাত ২০ জানুৱাৰীলৈকে ২৮,০৩০গৰাকী গৰ্ভৱতী মহিলা আৰু প্ৰসূতি মাতৃয়ে ১১,৫১,১৫,০০০ টকাৰ আৰ্থিক সাহায্য লাভ কৰিছে । আনহাতে এম জি এনেৰেগাৰ অধীনত জিলাখনত ২০২১-২২ বৰ্ষত এতিয়ালৈকে ৭৫,১৯৪টা জবকাৰ্ডপ্ৰাপ্ত পৰিয়ালক ৩৫৮৬.৫৪ লাখ টকা ব্যয়েৰে কাম দিয়া হৈছে বুলি তেওঁ উল্লেখ কৰে । তেওঁ কয় যে গোলাঘাট জিলাৰ ঐতিহাসিক ধোদৰ আলিসহ প্ৰায় ২৫০কিলোমিটাৰ দৈৰ্ঘৰ ছটা পথৰ কাম হাতত লোৱা হৈছে । লগতে লোকনিৰ্মান (গৃহ) বিভাগে চাহ বাগিচা অঞ্চলত নিৰ্মাণৰ বাবে লক্ষ্য নিৰ্ধাৰণ কৰা ১১৯খন উচ্চ মাধ্যমিক বিদ্যালয়ৰ ভিতৰত চাৰিখনৰ নিৰ্মাণ সম্পূৰ্ণ হৈছে । তেওঁ কয় যে জিলাখনৰ মুঠ কৃষিভূমিৰ ১২,১৩০ হেক্টৰ জলসিঞ্চন ব্যৱস্থাৰে সামৰি লোৱা হৈছে । চাহ জনজাতিৰ লোকসকলৰ কল্যানৰ বাবে বৰ্তমানৰ চৰকাৰখনে ভালেমান আঁচনি গ্ৰহণ কৰিছে বুলি উল্লেখ কৰি মন্ত্ৰীগৰাকীয়ে কয় যে ২০২১-২২ বৰ্ষত ৩২৬১গৰাকী উচ্চ মাধ্যমিক আৰু উচ্চতৰ মাধ্যমিক উত্তীৰ্ণ জনগোষ্ঠীটোৰ ছাত্ৰ-ছাত্ৰীক ছাইমন সিং হৰ' বিশেষ জলপানি প্ৰদান কৰা হৈছে । আনহাতে শ্ৰমিক কল্যান বিভাগৰ উদ্যোগত অসমৰ ৬০ লাখৰো অধিক অসংগঠিত খণ্ডৰ শ্ৰমিকৰ নাম ই-শ্ৰম পৰ্টেলত অন্তৰ্ভুক্ত কৰা হৈছে বুলিও তেওঁ কয় । মন্ত্ৰীগৰাকীয়ে জিলাখনৰ তথা ৰাজ্যখনৰ সামগ্ৰিক উন্নয়নৰ বাবে ৰাইজৰ সক্ৰিয় অংশগ্ৰহণ আৰু গঠনমূলক দিহা-পৰামৰ্শ কামনা কৰে । কাৰ্যসূচীত আৰক্ষী, চি আৰ পি এফ আৰু গৃহৰক্ষী বাহিনীৰ জোৱানসকলে কুচকাৱাজ প্ৰদৰ্শন কৰে । 

ইয়াৰ পূৰ্বে মন্ত্ৰীগৰাকীয়ে জিলা উপায়ুক্ত মৃগেশ নাৰায়ণ বৰুৱা আৰু আৰক্ষী অধীক্ষক সুমিত শৰ্মাৰ উপস্থিতিত জাতিৰ পিতা মহাত্মা গান্ধী, শ্বহীদ কুশল কোঁৱৰ আৰু শ্বহীদৰ স্মৃতি সৌধত শ্ৰদ্ধাঞ্জলি জ্ঞাপন কৰে । 

গণৰাজ্য দিৱসৰ কাৰ্যসূচীৰ অংশৰূপে গোলাঘাট কুশল কোঁৱৰ অসামৰিক চিকিৎসালয়, জিলা কাৰাগাৰ আৰু গোলাঘাট নগৰৰ দুখন বৃদ্ধাশ্ৰমত প্ৰশাসনৰ বিষয়াই গৈ ফল-মূল আদি বিতৰণ কৰে । লগতে প্ৰশাসনৰ বিষয়াই মুক্তি যুঁজাৰুসকলৰ ঘৰে ঘৰে গৈ পৰিয়ালৰ লোকক সম্বৰ্ধনা জ্ঞাপন কৰে । 

*জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

Golaghat COVID-19🦠😷 Details

Golaghat COVID-19🦠😷 Details

Golaghat COVID-19🦠😷 Details

Golaghat COVID-19🦠😷 Details

*ঠেঙাল কছাৰী স্বায়ত্বশাসিত পৰিষদৰ নিৰ্বাচনত গোলাঘাট জিলাৰ ৫ টা সমষ্টিৰ দুটাত বিজেপি, দুটাত কংগ্ৰেছ আৰু এটাত অসম গণ পৰিষদ দলৰ প্ৰাৰ্থীৰ জয়লাভ*

জনসংযোগ, গোলাঘাট প্ৰেছ বিজ্ঞপ্তি নং : ২৩৯

*ঠেঙাল কছাৰী স্বায়ত্বশাসিত পৰিষদৰ নিৰ্বাচনত গোলাঘাট জিলাৰ ৫ টা সমষ্টিৰ দুটাত বিজেপি, দুটাত কংগ্ৰেছ আৰু এটাত অসম গণ পৰিষদ দলৰ প্ৰাৰ্থীৰ জয়লাভ*

গোলাঘাট, ২৪ জানুৱাৰীঃ ঠেঙাল কছাৰী স্বায়ত্বশাসিত পৰিষদৰ অধীনৰ গোলাঘাট মহকুমাৰ ৪ টা সমষ্টি আৰু ধনশিৰি মহকুমাৰ এটা সমষ্টিৰ নিৰ্বাচনৰ আজি ভোটগণনা কৰা হয় । ফলাফল অনুসৰি গোলাঘাট মহকুমাৰ চাৰিটা সমষ্টিৰ ভিতৰত দুটা বিজেপিয়ে, এটা অসম গণ পৰিষদে আৰু এটা কংগ্ৰেছ দলে লাভ কৰে । আনহাতে ধনশিৰি মহকুমাৰ অধীনৰ একমাত্ৰ আসনখন কংগ্ৰেছৰ দখললৈ যায়   । 

গোলাঘাট মহকুমাৰ চাৰিটা সমষ্টিত মুঠ ১৩,৮৭৪ টা ভোট বৈধ হোৱাৰ বিপৰীতে ৪৭১ টা ভোট নাকচ হয় । 

ফলাফল অনুসৰি ১১ নং ঠেঙাল কমাৰগাঁও সমষ্টিত বিজেপিৰ হৰপ্ৰভা ঠেঙালে ৪১৬ টা ভোটৰ ব্যৱধানত জয়লাভ কৰে । তেওঁ ২,৬৯৩ টা ভোট লাভ কৰে । কংগ্ৰেছৰ বিপিন বৰাই ২,২৭৭ টা ভোট লাভ কৰে । সমষ্টিটোত মুঠ ৪,৯৭০টা ভোট বৈধ হোৱাৰ বিপৰীতে ১৯৫টা নাকচ হয় । আনহাতে ১৩ নং কাছমাৰী সমষ্টিত অসম গণ পৰিষদ দলৰ শিখামনি ঠেঙাল বৰুৱাই ৩০১ টা ভোটৰ ব্যৱধানত জয়লাভ কৰে । তেওঁ  ১,১৭৮ টা ভোট লাভ কৰে ।  কংগ্ৰেছৰ জাহ্নৱী শইকীয়াই ৮৭৭ টা ভোট লাভ কৰে । নিৰ্দলীয় প্ৰাৰ্থী পৰীস্মিতা ঠেঙালে ৬৭৬ টা ভোট লাভ কৰে । সমষ্টিটোত মুঠ ২,৭৩১ টা ভোট বৈধ হোৱাৰ বিপৰীতে ৯২টা ভোট নাকচ হয় । ১৪ নং চাউদাংপথাৰ সমষ্টিত কংগ্ৰেছৰ ছায়া ঠেঙালে ৯৭৬ টা ভোটৰ ব্যৱধানত জয়লাভ কৰে । তেওঁ  ২,১৩৯ টা ভোট লাভ কৰে । বিজেপিৰ স্মৃতিৰেখা ঠেঙালে ১,১৬৩ টা ভোট লাভ কৰে । চি পি আইৰ ভাস্কৰ ঠেঙালে ১০৭ টা ভোট লাভ কৰে । সমষ্টিটোত ৩,৪০৯টা ভোট বৈধ হোৱাৰ বিপৰীতে ৯৬টা ভোট নাকচ হয় । ১৫ নং চাউদাংপথাৰ দৈয়াং সমষ্টিত বিজেপিৰ পদ্মেশ্বৰ শইকীয়াই ৪৯২ টা ভোটৰ ব্যৱধানত জয়লাভ কৰে । তেওঁ ১,৬২৮ টা ভোট লাভ কৰে । কংগ্ৰেছৰ উৎপল ঠেঙালে ১,১৩৬ টা ভোট লাভ কৰে । সমষ্টিটোত মুঠ ২৭৬৪টা ভোট বৈধ হোৱাৰ বিপৰীতে ৮৮টা নাকচ হয় । 

আনহাতে ধনশিৰি মহকুমাৰ অধীনৰ ১২ নং গেলাবিল সমষ্টিত কংগ্ৰেছ প্ৰাৰ্থী হিৰণ্য বৰাই ২৪৫ টা ভোটৰ ব্যৱধানত জয়লাভ কৰে । তেওঁ ১,২৮৭ টা ভোট লাভ কৰে । বিজেপিৰ মিনালী হাজৰিকা শইকীয়াই ১,০৪২ টা আৰু আম আদমী পাৰ্টিৰ প্ৰাৰ্থী নাৰায়ণ বৰাই ৫৪ টা ভোট লাভ কৰে । সমষ্টিটোত মুঠ ২,৩৮৩টা ভোট বৈধ পোৱাৰ বিপৰীতে ৪১টা ভোট নাকচ হয় । 

উল্লেখযোগ্য যে গোলাঘাট মহকুমাৰ চাৰিটা আৰু ধনশিৰি মহকুমাৰ এটা সমষ্টিৰ বাবে যোৱা ২০ জানুৱাৰীত ভোটগ্ৰহণ কৰা হৈছিল । 

গোলাঘাট মহকুমাৰ চাৰিটা সমষ্টিত ৬৯.১৪ শতাংশ ভোটদান হয় । ১১ নং ঠেঙাল কমাৰগাঁও সমষ্টিত ৫৮.৬৪ শতাংশ, মহিলাৰ বাবে সংৰক্ষিত ১৩ নং কাছমাৰী সমষ্টিত ৭৫.৫৪ শতাংশ, ১৪ নং চাউদাং পথাৰ সমষ্টিত ৭৭.৫৪ শতাংশ আৰু ১৫ নং চাউদাং পথাৰ দৈয়াং সমষ্টিত ৭৭.৩৯ শতাংশ ভোটদান হয় । 

আনহাতে ধনশিৰি মহকুমাৰ অধীনৰ ১২ নং গেলাবিল সমষ্টিত ৭৭.৭১ শতাংশ ভোটদান হয় । 

গোলাঘাট মহকুমাৰ আটাইকেইটা সমষ্টিত মুঠ ভোটদাতাৰ সংখ্যা ২০,৭৪৯ জন । ইয়াৰে ১০,৫৭৬ জন পুৰুষ আৰু ১০,১৭৩ গৰাকী মহিলা ভোটদাতা । সমষ্টিকেইটাত মুঠ ১৪,৩৪৫ জন ভোটদাতাই ভোটদান কৰে । ইয়াৰে ৭,১৩১ জন পুৰুষ আৰু ৭,২১৪ গৰাকী মহিলা ভোটদাতা ।

 

১১ নং ঠেঙাল কমাৰগাঁও সমষ্টিত মুঠ ৫,১৬৫ জন ভোটদাতাই ভোটাধিকাৰ সাব্যস্ত কৰে । ইয়াৰে ২,৫৭০জন পুৰুষ আৰু ২,৫৯৫ গৰাকী মহিলা ভোটদাতা । ১৩ নং কাছমাৰী সমষ্টিত ২,৮২৩ জন ভোটদাতাই ভোটদান কৰে । ইয়াৰে ১,৩৯৮ জন পুৰুষ আৰু ১,৪২৫ গৰাকী মহিলা ভোটদাতা ।  ১৪ নং চাউদাংপথাৰ সমষ্টিত মুঠ ৩,৫০৫ জন ভোটদাতাই ভোটাধিকাৰ সাব্যস্ত কৰে । ইয়াৰে ১,৭৬০ জন পুৰুষ আৰু ১,৭৪৫ গৰাকী মহিলা ভোটদাতা । ১৫ নং চাউদাংপথাৰ দৈয়াং সমষ্টিত ২,৮৫২ জন ভোটদাতাই ভোট দিয়ে । ইয়াৰে ১,৪০৩ জন পুৰুষ আৰু ১,৪৪৯ গৰাকী মহিলা ভোটদাতা । 

আনহাতে ধনশিৰি মহকুমাৰ গেলাবিল সমষ্টিত মুঠ ২,৪৪১ জন ভোটদাতাই ভোটদান কৰে । ইয়াৰে ১,২১৩ জন পুৰুষ আৰু ১,২২৮ গৰাকী মহিলা ভোটদাতা ।

 *জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

Golaghat COVID-19🦠😷 Details

Golaghat COVID-19🦠😷 Details

শ্রীমন্ত শঙ্কৰদেৱ সংঙ্ঘৰ গোলাঘাট আঞ্চলিক শাখাৰ ২৭ সংখ্যক বাৰ্ষিক অধিবেশন।

শ্রীমন্ত শঙ্কৰদেৱ সংঙ্ঘৰ গোলাঘাট আঞ্চলিক শাখাৰ ২৭ সংখ্যক বাৰ্ষিক অধিবেশন। 

গোলাঘাট,২৩ জানুৱাৰী২০২২ ঃ

শ্রী মন্ত শঙ্কৰদেৱ সংঙ্ঘৰ গোলাঘাট আঞ্চলিক শাখাৰ ২৭ সংখ্যক বাৰ্ষিক অধিবেশন ভাগ পাঞ্চজণ্য নামঘৰত তেৰাসৱৰ আতিথ্যত দিনজোৰা কৰ্মসূচীৰে আজি অনুষ্ঠিত হয়  । পুৱা ৯ বজাত ধৰ্ম ধৱজা উত্তোলন কৰে সভাপতি শ্ৰী বীৰেন সন্দিকৈ বাপে । নাম প্ৰাংগভাগ একক ভাবে কৰে শ্ৰী দিপক নাথ বাপে। বৰগীত ভাগ পৰিবেশন কৰে জ্যাতিপ্ৰিয়া নাথে  সভাপতি আসন গ্ৰহণ কৰে শ্ৰী বীৰেন সন্দিকৈ বাপে । পৰিচয় পৰ্ব আত ধৰে সম্পাদক ডিম্বেশ্বৰ দাৱ বাপে সভা উদ্বোধন কৰে জিলা শাখাৰ উপ-সভাপতি শ্ৰী প্ৰসাদ শইকীয়া বাপে সম্পাদকীয় প্ৰতিবেদন পাঠ কৰে সম্পাদক দাৱে  । ইয়াৰ পাছত আইমাতৃ সমাৰোহত সাহিত্য/সংস্কৃতি স্থান প্ৰাপ্ত সকলক মানপত্ৰ কিতাপ গামোচাৰে অভিনন্দন জনোৱা হয় । নিদিষ্ট বক্তৃতা আগবঢ়ায় ফৰকাটিং আঞ্চলিক শাখাৰ উপ-সভাপতি শ্ৰী ললিত চন্দ্ৰ নাথ বাপে ।সভাৰ মাজতে বৰগীত পৰিবেশন কৰে নগৰ প্ৰাথমিক শাখাৰ  ‌বিউতী হাজৰিকা আয়ে ।সভাত ভাষণ আগবঢ়ায় জিলাৰ পৰা অহা সাহিত্য শাখাৰ সম্পাদক শ্ৰী তুতুমনি গগৈ বাপে , লগতে ভাষন আগবঢ়ায় অৰুণ নাথ বাপে সভাপতি ৰ মন্তব্যৰ পাছত গুৰু বন্দনাৰে সভা সামৰণি ৰ লগতে  পতাকা অৱনমন কৰা হয় ।

গোলাঘাটৰ পৰা মাধৱ গগৈ নৰ্থইষ্ট নিউজ ইণ্ডিয়া।