Northeast News India

Friday, 31 December 2021

Thursday, 30 December 2021

Wednesday, 29 December 2021

বোকাখাত পৌৰসভাৰ ফটোযুক্ত চূড়ান্ত ভোটাৰ তালিকা প্ৰকাশ

বোকাখাত,২৯ ডিচেম্বৰ: আগন্তুক পৌৰসভা নিৰ্বাচনৰ পৰিপ্ৰেক্ষিতত বোকাখাত পৌৰসভাৰ ১নং ৱাৰ্ডৰ পৰা ১০ ৱাৰ্ডৰ ফটোযুক্ত চূড়ান্ত ভোটাৰ তালিকা যোৱা ইংৰাজী ২৮ ডিচেম্বৰ ২০২১ তাৰিখে প্ৰকাশ কৰা হয় । বোকাখাত পৌৰসভাৰ ফটোযুক্ত চূড়ান্ত ভোটাৰ তালিকাত মুঠ ভোটাৰৰ সংখ্যা ১৪৩৩১ গৰাকী। ইয়াৰে মহিলা ভোটাৰৰ সংখ্যা ৭০০৩ আৰু পুৰুষ ভোটাৰৰ সংখ্যা ৭৩২৮ গৰাকী । ফটোযুক্ত চূড়ান্ত ভোটাৰ তালিকাৰ প্ৰতিলিপি বোকাখাত পৌৰসভা কাৰ্যালয়, বোকাখাত মহকুমাধিপতি কাৰ্যালয় আৰু বোকাখাত ৰাজহ চক্ৰ কাৰ্যালয়ত নিৰীক্ষণ কৰিব পাৰিব ।

NORTHEAST NEWS INDIA

গোলাঘাট আৰু দেৰগাঁও পৌৰসভাৰ ফটো সম্বলিত চূড়ান্ত ভোটাৰ তালিকা প্ৰকাশ গোলাঘাট পৌৰসভাৰ মুঠ ভোটদাতা ২৮,০৫০ জন, দেৰগাঁৱৰ ১৬,৯৭৮ জন

জনসংযোগ, গোলাঘাট প্ৰেছ বিজ্ঞপ্তি নংঃ ২২৫

*গোলাঘাট আৰু দেৰগাঁও পৌৰসভাৰ ফটো সম্বলিত চূড়ান্ত ভোটাৰ তালিকা প্ৰকাশ*

*গোলাঘাট পৌৰসভাৰ মুঠ ভোটদাতা ২৮,০৫০ জন, দেৰগাঁৱৰ ১৬,৯৭৮ জন*

গোলাঘাট, ২৯ ডিচেম্বৰঃ আসন্ন পৌৰসভা নিৰ্বাচনৰ পৰিপ্ৰেক্ষিতত গোলাঘাট পৌৰসভা আৰু গোলাঘাট জিলাৰ দেৰগাঁও পৌৰসভাৰ বাবে ফটো সম্বলিত চূড়ান্ত ভোটাৰ তালিকা কালি প্ৰকাশ কৰা হয় । সেই অনুসৰি গোলাঘাট পৌৰসভাৰ মুঠ ভোটদাতাৰ সংখ্যা হৈছে ২৮,০৫০ জন । ইয়াৰে ১৩,৯৪১ জন পুৰুষ ভোটদাতাৰ বিপৰীতে মহিলা ভোটদাতাৰ সংখ্যা হ'ল ১৪,১০৯ গৰাকী । পৌৰসভাখনৰ মূঠ ১৩ টা ৱাৰ্ড সামৰি ৩০ টা ভোটগ্ৰহণ কেন্দ্ৰ স্থাপন কৰা হৈছে । ইফালে, দেৰগাঁও পৌৰসভাৰ ১০ টা ৱাৰ্ডৰ বাবেও ফটো সম্বলিত চূড়ান্ত ভোটাৰ তালিকা প্ৰকাশ পাইছে । সেই অনুসৰি পৌৰসভাখনৰ মুঠ ভোটদাতাৰ সংখ্যা হৈছে ১৬,৯৭৮ জন । ইয়াৰে ৮৬১৯ জন পুৰুষ ভোটদাতাৰ বিপৰীতে মহিলা ভোটদাতাৰ সংখ্যা হ'ল ৮৩৫৯ গৰাকী । দেৰগাঁও পৌৰসভাত মুঠ ২২ টা ভোটগ্ৰহন কেন্দ্ৰ স্থাপন কৰা হৈছে ।

*জিলা তথ্য আৰু জনসংযোগ বিষয়া, গোলাঘাট*