Golaghat COVID-19🦠😷 Details

Golaghat COVID-19🦠😷 Details

বোকাখাত পৌৰসভাৰ ফটোযুক্ত চূড়ান্ত ভোটাৰ তালিকা প্ৰকাশ

বোকাখাত পৌৰসভাৰ ফটোযুক্ত চূড়ান্ত ভোটাৰ তালিকা প্ৰকাশ

বোকাখাত,২৯ ডিচেম্বৰ: আগন্তুক পৌৰসভা নিৰ্বাচনৰ পৰিপ্ৰেক্ষিতত বোকাখাত পৌৰসভাৰ ১নং ৱাৰ্ডৰ পৰা ১০ ৱাৰ্ডৰ ফটোযুক্ত চূড়ান্ত ভোটাৰ তালিকা যোৱা ইংৰাজী ২৮ ডিচেম্বৰ ২০২১ তাৰিখে প্ৰকাশ কৰা হয় । বোকাখাত পৌৰসভাৰ ফটোযুক্ত চূড়ান্ত ভোটাৰ তালিকাত মুঠ ভোটাৰৰ সংখ্যা ১৪৩৩১ গৰাকী। ইয়াৰে মহিলা ভোটাৰৰ সংখ্যা ৭০০৩ আৰু পুৰুষ ভোটাৰৰ সংখ্যা ৭৩২৮ গৰাকী । ফটোযুক্ত চূড়ান্ত ভোটাৰ তালিকাৰ প্ৰতিলিপি বোকাখাত  পৌৰসভা কাৰ্যালয়, বোকাখাত মহকুমাধিপতি কাৰ্যালয় আৰু বোকাখাত ৰাজহ চক্ৰ কাৰ্যালয়ত নিৰীক্ষণ কৰিব পাৰিব ।

NORTHEAST NEWS INDIA

*গোলাঘাট আৰু দেৰগাঁও পৌৰসভাৰ ফটো সম্বলিত চূড়ান্ত ভোটাৰ তালিকা প্ৰকাশ* *গোলাঘাট পৌৰসভাৰ মুঠ ভোটদাতা ২৮,০৫০ জন, দেৰগাঁৱৰ ১৬,৯৭৮ জন*

জনসংযোগ, গোলাঘাট প্ৰেছ বিজ্ঞপ্তি নংঃ ২২৫

 *গোলাঘাট আৰু দেৰগাঁও পৌৰসভাৰ ফটো সম্বলিত চূড়ান্ত ভোটাৰ তালিকা প্ৰকাশ* 

*গোলাঘাট পৌৰসভাৰ মুঠ ভোটদাতা ২৮,০৫০ জন, দেৰগাঁৱৰ ১৬,৯৭৮ জন* 

গোলাঘাট, ২৯ ডিচেম্বৰঃ আসন্ন পৌৰসভা নিৰ্বাচনৰ পৰিপ্ৰেক্ষিতত গোলাঘাট পৌৰসভা আৰু গোলাঘাট জিলাৰ দেৰগাঁও পৌৰসভাৰ বাবে ফটো সম্বলিত চূড়ান্ত ভোটাৰ তালিকা কালি প্ৰকাশ কৰা হয় । সেই অনুসৰি গোলাঘাট পৌৰসভাৰ মুঠ ভোটদাতাৰ সংখ্যা হৈছে ২৮,০৫০ জন । ইয়াৰে ১৩,৯৪১ জন পুৰুষ ভোটদাতাৰ বিপৰীতে মহিলা ভোটদাতাৰ সংখ্যা হ'ল ১৪,১০৯ গৰাকী । পৌৰসভাখনৰ মূঠ ১৩ টা ৱাৰ্ড সামৰি ৩০ টা ভোটগ্ৰহণ কেন্দ্ৰ স্থাপন কৰা হৈছে । ইফালে, দেৰগাঁও পৌৰসভাৰ ১০ টা ৱাৰ্ডৰ বাবেও ফটো সম্বলিত চূড়ান্ত ভোটাৰ তালিকা প্ৰকাশ পাইছে । সেই অনুসৰি  পৌৰসভাখনৰ মুঠ ভোটদাতাৰ সংখ্যা হৈছে ১৬,৯৭৮ জন । ইয়াৰে ৮৬১৯ জন পুৰুষ ভোটদাতাৰ বিপৰীতে মহিলা ভোটদাতাৰ সংখ্যা হ'ল ৮৩৫৯ গৰাকী । দেৰগাঁও পৌৰসভাত মুঠ ২২ টা ভোটগ্ৰহন কেন্দ্ৰ স্থাপন কৰা হৈছে । 

*জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

*গোলাঘাটত এইচ আই ভি, এইডছ আৰু যক্ষ্মা নিৰ্মূলকৰণ সম্পৰ্কীয় সভা*

জনসংযোগ, গোলাঘাট প্ৰেছ বিজ্ঞপ্তি নংঃ ২২৪

*গোলাঘাটত এইচ আই ভি, এইডছ আৰু যক্ষ্মা নিৰ্মূলকৰণ সম্পৰ্কীয় সভা*

গোলাঘাট, ২৮ ডিচেম্বৰঃ গোলাঘাট জিলা স্বাস্থ্য সমিতিৰ উদ্যোগত আৰু জিলা এইডছ নিয়ন্ত্ৰণ সমিতিৰ সহযোগত আজি গোলাঘাট নগৰৰ মিছন ৰোডত থকা ডক্টৰছ ক্লাৱত এইচ আই ভি, এইডছ সম্পৰ্কীয় জিলা পৰ্যায়ৰ এখন গুৰুত্বপূৰ্ণ সভা তথা কৰ্মশালা অনুষ্ঠিত হয় । জ্যেষ্ঠ চিকিৎসক ডাঃ হীৰেন শইকীয়াৰ সভাপতিত্বত অনুষ্ঠিত সভাত জিলা উপায়ুক্ত মৃগেশ নাৰায়ণ বৰুৱাই নিজৰ ভাষণত কয় যে এইচ আই ভি বা এইডছ মানেই জীৱন শেষ হৈ যোৱাটো নুবুজায় । তেওঁ এইডছ সম্পৰ্কত ব্যাপক সজাগতা সৃষ্টিৰ প্ৰয়োজন আছে বুলি উল্লেখ কৰি বিদ্যালয় আৰু মহাবিদ্যালয়সমূহলৈয়ো এই সম্পৰ্কীয় জ্ঞানৰ প্ৰসাৰ ঘটোৱাৰ ওপৰত গুৰুত্ব আৰোপ কৰে । জিলাখনৰ এইচ আই ভি বা এইডছ আক্ৰান্ত লোকসকলৰ সৈতে জিলা প্ৰশাসন সদায় আছে বুলি উল্লেখ কৰি তেওঁ কয় যে সময় পৰিৱৰ্তন হৈছে আৰু আধুনিক চিকিৎসা বিজ্ঞানে বহু ন ন সম্ভাৱনাৰ সৃষ্টি কৰিছে । অনুষ্ঠানত অংশ লৈ জিলা আৰু সত্ৰ ন্যায়াধীশ বিনোদ কুমাৰ চণ্ডকে এইচ আই ভি এইডছ (প্ৰতিৰোধ আৰু নিয়ন্ত্ৰণ) আইন,২০১৭ আৰু চলিত বৰ্ষত স্বাস্থ্য আৰু পৰিয়াল কল্যান বিভাগে জাৰি কৰা অধিসূচনা অনুসৰি বৈষম্যৰ চিকাৰ হোৱা এইচ আই ভি এইডছ আক্ৰান্ত লোকে কিদৰে লোকপালৰ জৰিয়তে আইনৰ ওচৰ চাপিব পাৰে সেই বিষয়ে বিতংভাৱে ব্যাখ্যা আগবঢ়ায় । তেওঁ কয় যে এই আইনৰ অধীনত এইচ আই ভি, এইডছ আক্ৰান্ত লোকসকলৰ লগতে তেনে লোকৰ চোৱা-চিতাৰ দায়িত্বত থকাসকলকো যিকোনো বৈষম্যৰ পৰা সুৰক্ষা প্ৰদান কৰা হয় । অনুষ্ঠানত অসম ৰাজ্যিক আইন সেৱা প্ৰাধিকৰণৰ সদস্য সচিব নয়ন শংকৰ বৰুৱাই কয় যে এইচ আই ভি অথবা এইডছ আক্ৰান্ত হোৱাৰ বাবেই বৈষম্যৰ বলি হোৱা লোকসকলৰ লগতে অন্য লোকেও জিলা আইন সেৱা প্ৰাধিকৰণৰ পৰা বিনামূলীয়া আইনী সাহায্য লাভ কৰিব পাৰে । তেওঁ প্ৰতিখন জিলাত এইচ আই ভি, এইডছ আক্ৰান্ত লোকৰ বাবে আইনী সাহায্য কোষ স্থাপনৰ বাবে পৰামৰ্শ আগবঢ়ায় । লগতে জিলা আইন সেৱা প্ৰাধিকৰণৰ বিষয়ে যিমান পাৰি প্ৰসাৰ আৰু প্ৰচাৰ কৰিবলৈ তেওঁ পৰামৰ্শ আগবঢ়ায় যাতে সমাজৰ দুখীয়া আৰু আৰ্তজনে ন্যায় লাভ কৰিবলৈ সমৰ্থ হয় । অনুষ্ঠানৰ সৈতে সংগতি ৰাখি জিলা যক্ষ্মা কোষৰ উদ্যোগতো এটা কাৰ্যসূচী গ্ৰহণ কৰা হয় । কাৰ্যসূচীত অংশ লৈ ৰাজ্যিক যক্ষ্মা গোটৰ অৰূপ কলিতাই প্ৰধানমন্ত্ৰী নৰেন্দ্ৰ মোদীয়ে ২০২৫ চনৰ ভিতৰত ভাৰতৰ পৰা যক্ষ্মা ৰোগ নিৰ্মূল কৰাৰ বাবে লক্ষ্য নিৰ্ধাৰণ কৰাৰ কথা উল্লেখ কৰি এই সন্দৰ্ভত বিতং ব্যাখ্যা আগবঢ়ায় । জিলা এইডছ নিয়ন্ত্ৰণ বিষয়া আৰু জিলা যক্ষ্মা কোষৰ জিলা প্ৰকল্প বিষয়া ডাঃ সুনীতা এক্কাই আঁত ধৰা অনুষ্ঠানত জ্যেষ্ঠ অধিবক্তা সুমন সিং, অসম ৰাজ্যিক এইডছ নিয়ন্ত্ৰণ সমিতিৰ সহকাৰী সঞ্চালক মানস সূৰ্য দাস, স্বাস্থ্য সেৱাৰ যুটীয়া সঞ্চালক ডাঃ অৰুণ চন্দ্ৰ মহন্ত আৰু কেইবাগৰাকীও জ্যেষ্ঠ চিকিৎসকে ভাষণ দিয়ে । আজিৰ অনুষ্ঠানত জিলা এইডছ নিয়ন্ত্ৰণ সমিতি আৰু জিলা যক্ষ্মা কোষৰ চিকিৎসক, বিষয়া-কৰ্মচাৰী আৰু ভালেসংখ্যক ভুক্তভোগীয়ে অংশ লয় । 

*জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

*গোলাঘাট পৌৰসভাৰ চাফাইকর্মীসকলৰ অভাৱ-অভিযোগৰ বুজ ল'লে বিত্তমন্ত্ৰী অজন্তা নেওগে**গোলাঘাট নগৰখনক পৰিষ্কাৰ কৰি ৰখাটো কেৱল চাফাইকৰ্মীৰ নহয়, প্ৰতিজন নাগৰিকৰ দায়বদ্ধতা*

জনসংযোগ, গোলাঘাট প্ৰেছ বিজ্ঞপ্তি নংঃ ২২৩

*গোলাঘাট পৌৰসভাৰ চাফাইকর্মীসকলৰ অভাৱ-অভিযোগৰ বুজ ল'লে বিত্তমন্ত্ৰী অজন্তা নেওগে*

*গোলাঘাট নগৰখনক পৰিষ্কাৰ কৰি ৰখাটো কেৱল চাফাইকৰ্মীৰ নহয়, প্ৰতিজন নাগৰিকৰ দায়বদ্ধতা*

গোলাঘাট, ২৭ ডিচেম্বৰঃ বিত্ত আৰু সমাজ কল্যান মন্ত্ৰী অজন্তা নেওগে আজি গোলাঘাট পৌৰসভাৰ কাৰ্যালয়ৰ সভাকক্ষত অনুষ্ঠিত এখন সভাত আত্মসহায়ক গোটৰ সদস্য, পৌৰ সভাৰ বিষয়া-কৰ্মচাৰী আৰু চাফাইকর্মীসকলৰ অভাৱ-অভিযোগসমূহৰ বুজ লয় । অনুষ্ঠানত চাফাইকর্মীসকলক ইউনিফৰ্ম বিতৰণ কৰি তেওঁ নিজৰ ভাষণত কয় যে গোলাঘাট নগৰৰ আটাইকেইটা ৱাৰ্ডৰ বাট-পথ আৰু নল-নৰ্দমাৰ উন্নয়নৰ বাবে চৰকাৰে অলপতে ২৫ কোটি টকাৰ প্ৰস্তাৱত অনুমোদন জনাইছে । দেৰগাঁৱৰ পৰা ৰঙাজানলৈকে পথটো উন্নীত কৰাৰ বাবে ২০০ কোটি টকা অনুমোদন দিয়া হৈছে বুলি উল্লেখ কৰি তেওঁ কয় যে গোলাঘাট নগৰখনৰ প্ৰায় ৪ কিলোমিটাৰ পথ ইয়াৰ অন্তৰ্ভুক্ত হ'ব আৰু ইয়াৰ লগে লগে নগৰখনে এটা নতুন ৰূপ লাভ কৰিব । কেতবোৰ ঠাইত চাইকেল চলোৱাৰ সুব্যৱস্থা কৰাৰ লগতে প্ৰাতঃভ্রমনৰ সুবিধা কৰি দিয়া হ'ব বুলি মন্তব্য কৰি তেওঁ কয় যে নদীকাষৰীয়া অঞ্চল আৰু পার্ক সমূহৰ সৌন্দৰ্যবৰ্ধনো কৰা হ'ব । গোলাঘাট নগৰত এখন খোৱাপানী আচঁনিকে ধৰি যোৱা সপ্তাহটোত বিভিন্ন আঁচনিৰ বাবে চৰকাৰে প্ৰায় ৫৮ কোটি টকাৰ অনুমোদন দিছে বুলি বিত্তমন্ত্ৰীগৰাকীয়ে  প্ৰকাশ কৰে । তেওঁ কয় যে গোলাঘাট নগৰত থকা শ্মশানখনত মৃতদেহ সৎকাৰৰ বাবে ইলেক্ট্রিক ব্যৱস্থা কৰা হ'ব । পৌৰসভা এখন জিলা বা এটা সমষ্টিৰ দাপোন বুলি উল্লেখ কৰি তেওঁ কয় যে সন্মিলিত প্ৰচেষ্টাতহে আমি গোলাঘাট নগৰখনক সৰ্বাংগসুন্দৰ কৰি ৰাখিব পাৰিম । গোলাঘাট নগৰখনক স্বচ্ছ কৰি ৰখাৰ ক্ষেত্ৰত ৰাইজৰ সহযোগিতা কামনা কৰি তেওঁ কয় যে নগৰখনক পৰিষ্কাৰ কৰি ৰখাটো কেৱল চাফাইকৰ্মীসকলৰ নহয়, প্ৰতিজন নাগৰিকৰ দায়বদ্ধতা । গোলাঘাট পৌৰসভাই স্বচ্ছ সৰ্বেক্ষণত পৰিষ্কাৰ নগৰৰ সন্মান লাভ কৰা বিষয়টোক লৈ পৌৰসভাৰ বিষয়া-কৰ্মচাৰী, আত্মসহায়ক গোটৰ সদস্য আৰু চাফাইকর্মীসকলক তেওঁ উচ্চ প্ৰশংসা কৰে । আজিৰ অনুষ্ঠানত গোলাঘাট পৌৰসভাৰ কাৰ্যবাহী বিষয়া ডঃ সংগীতা বৰঠাকুৰ, পৌৰসভাৰ কৰ্মচাৰী, আত্মসহায়ক গোটৰ সদস্য আৰু চাফাইকর্মী তথা কৰ্মীসকল উপস্থিত আছিল ।

*জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

Golaghat COVID-19🦠😷 Details

Golaghat COVID-19🦠😷 Details