Golaghat COVID-19🦠😷 Details

Golaghat COVID-19🦠😷 Details

Golaghat COVID-19🦠😷 Details

Golaghat COVID-19🦠😷 Details

গোলাঘাটৰ বিশিষ্ট শিল্পী, সুনিপুন তবলা বাদক হিমেন দাসৰ বিয়োগ

গোলাঘাটৰ বিশিষ্ট শিল্পী, সুনিপুন তবলা বাদক হিমেন দাসৰ বিয়োগত আমি গভীৰ শোক প্ৰকাশ কৰিছোঁ । এটা দুৰ্ঘটনাত পতিত হৈ আজি মৃত্যুক আঁকোৱালি লোৱা শিল্পীগৰাকীৰ বিদেহ আত্মাৰ সদ্গতি কামনা কৰিছোঁ আৰু এই সংকটৰ সময়ত প্ৰয়াত দাসৰ পৰিয়ালটোৰ প্ৰতি গভীৰ সমবেদনা জ্ঞাপন কৰিছোঁ ।

গোলাঘাটৰ সমাজ জীৱন তথা ৰাজ্যখনৰ বিভিন্ন অনুষ্ঠান-প্ৰতিষ্ঠানৰ লগত জড়িত শিল্পীগৰাকীয়ে এসময়ত জয়ন্ত হাজৰিকাৰ আদৰ্শৰে অনুপ্ৰাণিত হৈ সুৰবাহিনীৰ সৈতে জড়িত হৈ এগৰাকী সাংস্কৃতিক কৰ্মী হিচাপে সেৱা আগবঢ়াইছিল । এগৰাকী তবলা বাদক হিচাপেও সুপৰিচিত শিল্পীগৰাকীয়ে নিজৰ কলাসুলভ প্ৰতিভাৰে নিৰ্মাণ কৰিছিল বিভিন্ন অনুষ্ঠান-প্ৰতিষ্ঠানৰ আদৰণি তোৰণ । কলাসুলভ মনৰ গৰাকী হিমেন দাসৰ নিপুণ হাতৰ পৰশত প্ৰাণ পাই উঠা আদৰণি তোৰণসমূহে কেৱল গোলাঘাটতে নহয় সমগ্ৰ ৰাজ্যতে সমাদৰ লাভ কৰি আহিছে । গোলাঘাট এমেচাৰ থিয়েটাৰ ছ’চাইটি, প্ৰবীন শিল্পী মঞ্চ আদি বিভিন্ন অনুষ্ঠান-প্ৰতিষ্ঠানৰ লগত ওতঃপ্ৰোতভাৱে জড়িত বহুমুখী প্ৰতিভাৰ অধিকাৰী হিমেন দাসৰ মৃত্যু সমগ্ৰ গোলাঘাট জিলাৰ বাবেই অপূৰণীয় ক্ষতি । শিল্পীগৰাকীৰ প্ৰতি আমি জনাইছোঁ গভীৰ শ্ৰদ্ধাঞ্জলি ।

উপায়ুক্ত, গোলাঘাট

NORTHEAST NEWS INDIA

*গোলাঘাট পৌৰসভালৈ উত্তৰ-পূৰ্বাঞ্চলৰ আটাইতকৈ পৰিষ্কাৰ নগৰৰ সন্মান**নতুন দিল্লীত ৰাষ্ট্ৰপতিৰ উপস্থিতিত পৌৰসভাৰ কাৰ্যবাহী বিষয়াই গ্ৰহণ কৰিলে বঁটা*

জনসংযোগ, গোলাঘাট প্ৰেছ বিজ্ঞপ্তি নংঃ ২০০

*গোলাঘাট পৌৰসভালৈ উত্তৰ-পূৰ্বাঞ্চলৰ আটাইতকৈ পৰিষ্কাৰ নগৰৰ সন্মান*

*নতুন দিল্লীত ৰাষ্ট্ৰপতিৰ উপস্থিতিত পৌৰসভাৰ কাৰ্যবাহী বিষয়াই গ্ৰহণ কৰিলে বঁটা*

গোলাঘাট, ২০ নৱেম্বৰঃ কেন্দ্ৰীয় চৰকাৰৰ গৃহ নিৰ্মাণ আৰু নগৰ পৰিক্ৰমা মন্ত্ৰালয়ে স্বচ্ছতাৰ ক্ষেত্ৰত প্ৰদৰ্শন কৰা পাৰদৰ্শিতাৰ ভিত্তিত অসমৰ নখন পৌৰ সভালৈ ২০২১ চনৰ স্বচ্ছ সৰ্বেক্ষণ বঁটা আগবঢ়াইছে । গোলাঘাট পৌৰসভায়ো এইবছৰৰ স্বচ্ছ সৰ্বেক্ষণ বঁটা লাভ কৰিছে । নতুন দিল্লীৰ বিজ্ঞান ভৱনত আয়োজিত  স্বচ্ছ অমৃত মহোৎসৱ শীৰ্ষক বঁটা প্ৰদান অনুষ্ঠানত আজি ভাৰতৰ ৰাষ্ট্ৰপতি ৰামনাথ কোবিন্দৰ উপস্থিতিত অসমৰ আন আঠখন পৌৰসভাৰ লগতে গোলাঘাট পৌৰসভাক এই বঁটা আনুষ্ঠানিকভাবে প্ৰদান কৰা হয় । গোলাঘাট পৌৰসভাৰ কাৰ্যবাহী বিষয়া ডঃ সংগীতা বৰঠাকুৰে এই বঁটা গ্ৰহণ কৰে ।  উল্লেখযোগ্য যে, ২৫ হাজাৰৰ পৰা ৫০ হাজাৰ জনসংখ্যাৰ শ্ৰেনীত গোলাঘাট পৌৰসভাই উত্তৰ-পূৰ্বাঞ্চলৰ আটাইতকৈ পৰিষ্কাৰ নগৰ হিচাপে প্ৰথম স্থান লাভ কৰিছে । গোলাঘাট জিলাৰ উপায়ুক্ত মৃগেশ নাৰায়ণ বৰুৱা, গোলাঘাট পৌৰসভাৰ কাৰ্যবাহী বিষয়া ডঃ সংগীতা বৰঠাকুৰ আৰু পৌৰসভাৰ বিষয়া-কৰ্মচাৰীসকলে এই সাফল্যত সন্তুষ্টি প্ৰকাশ কৰাৰ লগতে গোলাঘাট নগৰখনক পৰিষ্কাৰ কৰি ৰখাৰ ক্ষেত্ৰত আগবঢ়োৱা সহযোগিতাৰ বাবে জনসাধাৰণক ধন্যবাদ জ্ঞাপন কৰিছে । 

*জনসংযোগ, গোলাঘাট*

NORTHEAST NEWS INDIA

*গোলাঘাটত কেইবাটাও চৰকাৰী কাৰ্যসূচীত অংশগ্ৰহণ বিত্তমন্ত্ৰী অজন্তা নেওগৰ**ফৰকাটিং উৰণীয়া সেঁতু পৰিদৰ্শন**চৰকাৰী পুঁজিলৈ বাট চাই নাথাকি উপাৰ্জনৰ নিজা পথ উলিয়াবলৈ গাঁও পঞ্চায়তসমূহৰ প্ৰতি আহ্বান*

জনসংযোগ, গোলাঘাট প্ৰেছ বিজ্ঞপ্তি নংঃ ১৯৯

*গোলাঘাটত কেইবাটাও চৰকাৰী কাৰ্যসূচীত অংশগ্ৰহণ বিত্তমন্ত্ৰী অজন্তা নেওগৰ*

*ফৰকাটিং উৰণীয়া সেঁতু পৰিদৰ্শন*

*চৰকাৰী পুঁজিলৈ বাট চাই নাথাকি উপাৰ্জনৰ নিজা পথ উলিয়াবলৈ গাঁও পঞ্চায়তসমূহৰ প্ৰতি আহ্বান*

গোলাঘাট, ২০ নৱেম্বৰঃ বিত্ত আৰু সমাজ কল্যান মন্ত্ৰী অজন্তা নেওগে আজি গোলাঘাট জিলাৰ পুলিবৰ গাঁও পঞ্চায়তৰ নৱনির্মিত কাৰ্যালয় গৃহটো *মুকলি* কৰে । এই উপলক্ষে অনুষ্ঠিত এখন সভাত অংশ লৈ মন্ত্ৰীগৰাকীয়ে কেৱল চৰকাৰী পুঁজিলৈ বাট চাই নাথাকি উপাৰ্জনৰ নিজা পথ উলিয়াবলৈ গাঁও পঞ্চায়তসমূহৰ প্ৰতি আহ্বান জনায় । তেওঁ কেৰালাৰ উদাহৰণ দাঙি ধৰি আত্মসহায়ক গোটসমূহক উদ্দেশ্যি কয় যে চৰকাৰী পুঁজি নিজৰ মাজতে ভগাই নলৈ উপাৰ্জনৰ পথ উলিয়াব পৰাকৈ উচিতভাৱে বিনিয়োগ কৰিব লাগিব । তেওঁ কয় যে উন্নয়নে সমাজৰ শেষৰজন ব্যক্তিকো যাতে স্পৰ্শ কৰে তাৰ বাবে কেন্দ্ৰৰ মোডী চৰকাৰ আৰু ৰাজ্য চৰকাৰে নিৰন্তৰ প্ৰয়াস অব্যাহত ৰাখিছে । তেওঁ এটকাও পুঁজিৰ যাতে অপব্যৱহাৰ নহয় সেয়া সুনিশ্চিত কৰাৰ বিষয়ত গুৰুত্ব আৰোপ কৰে । তেওঁ সমাজৰ দুৰ্বল-দৰিদ্ৰ লোকসকলক ঘৰে ঘৰে গৈ বিচাৰি উলিয়াই তেওঁলোকৰ প্ৰাপ্যসমূহ দিয়াৰ ব্যৱস্থা কৰিব লাগিব বুলি  মত প্ৰকাশ কৰে । দুৰ্নীতিক কোনো কাৰণতে প্ৰশ্ৰয় দিয়া নহয় বুলি উল্লেখ কৰি তেওঁ কয় যে সমাজৰ দৰিদ্ৰ লোকসকলে প্ৰতিটো ক্ষেত্ৰতে অগ্ৰাধিকাৰ পাব লাগিব । আনহাতে সকলোকে ক'ভিড প্ৰতিষেধক ল'বলৈ আহ্বান জনাই তেওঁ কয় যে প্ৰতিষেধক নোলোৱা কোনো ব্যক্তিয়ে কোনো চৰকাৰী সুবিধা লাভ কৰিব নোৱাৰিব । একেটা অনুষ্ঠানতে মন্ত্ৰীগৰাকীয়ে অসম ৰাজ্যিক গ্ৰামীণ জীৱিকা অভিযানৰ জিলা অভিযান পৰিচালনা গোটৰ উদ্যোগত হিতাধিকাৰীলৈ অসমী গ্ৰামীণ এক্সপ্ৰেছ শীৰ্ষক দুখন চাৰিচকীয়া বাহন আগবঢ়ায় । অনুষ্ঠানত উপায়ুক্ত মৃগেশ নাৰায়ণ বৰুৱা, জিলা পৰিষদৰ মুখ্য কাৰ্যবাহী বিষয়া ধীৰাজ দাস আৰু ভালেসংখ্যক বিশিষ্ট ব্যক্তিয়ে অংশগ্ৰহণ কৰে । 

ইয়াৰ পাছতেই মন্ত্ৰীগৰাকীয়ে ২০২০-২১বৰ্ষৰ আনটাইড ফাণ্ডৰ পুঁজিৰে শ্ৰীমন্ত শংকৰদেৱ সংঘ ফৰকাটিং আঞ্চলিক শাখাৰ শ্ৰীমন্ত শংকৰদেৱ বিদ্যালয়ৰ বিদ্যালয় গৃহৰ আধাৰশিলা স্থাপন কৰে । তেওঁ ঘিলাধাৰী গাঁও পঞ্চায়তৰ নৱনির্মিত কাৰ্যালয় গৃহটোও মুকলি কৰে । 

ইফালে মন্ত্ৰীগৰাকীয়ে আজি ফৰকাটিং উৰণীয়া সেতুখনো পৰিদৰ্শন কৰে । তেওঁ পিছত সাংবাদিকৰ আগত কয় যে এইয়া ৰাইজৰ সম্পদ আৰু উৰণীয়া সেঁতুখনৰ ওপৰত সৌন্দৰ্যবৰ্ধনৰ বাবে যিখিনি কাম কৰা হৈছে সেয়া যাতে সকলোৱে নিজৰ হিচাপে জ্ঞান কৰি সুৰক্ষিত কৰি ৰাখে । তেওঁ উৰণীয়া সেঁতুখন নিৰ্মান কৰাৰ ক্ষেত্ৰত আগবঢ়োৱা সহায়ৰ বাবে মুখ্যমন্ত্ৰী ডঃ হিমন্ত বিশ্ব শৰ্মাক ধন্যবাদ জ্ঞাপন কৰে । তেওঁ লগতে কয় যে অতি সোনকালে মুখ্যমন্ত্ৰীয়ে এই উৰণীয়া সেঁতুখন আনুষ্ঠানিকভাৱে মুকলি কৰিব । সাংবাদিকৰ প্ৰশ্নৰ উত্তৰত তেওঁ গোলাঘাট চিকিৎসা মহাবিদ্যালয় হস্পিটেলৰ কাম এই বছৰতে আৰম্ভ হ'ব বুলি উল্লেখ কৰাৰ লগতে দেৰগাঁৱৰ পৰা ৰঙাজানলৈ ২০০ কোটি টকাৰে পণ্ডিত হেমচন্দ্ৰ গোস্বামী পথটো নিৰ্মান কৰা হ'ব বুলি জানিবলৈ দিয়ে । 

*জনসংযোগ, গোলাঘাট*

NORTHEAST NEWS INDIA

Golaghat COVID-19🦠😷 Details

Golaghat COVID-19🦠😷 Details

Golaghat COVID-19🦠😷 Details

Golaghat COVID-19🦠😷 Details