Golaghat COVID-19🦠😷 Details

Golaghat COVID-19🦠😷 Details

*পদুমনি উন্নয়ন খণ্ডৰ বৰফুকনখাত গাঁৱত বিভিন্ন প্ৰজাতিৰ ধানৰ খেতিৰ অংশীদাৰীত্বমূলক মূল্যায়ন কাৰ্যসূচী সম্পন্ন*

জনসংযোগ, গোলাঘাট প্ৰেছ বিজ্ঞপ্তি নংঃ ১৯৮

*পদুমনি উন্নয়ন খণ্ডৰ বৰফুকনখাত গাঁৱত বিভিন্ন প্ৰজাতিৰ ধানৰ খেতিৰ অংশীদাৰীত্বমূলক মূল্যায়ন কাৰ্যসূচী সম্পন্ন*

গোলাঘাট, ১৭ নৱেম্বৰঃ গোলাঘাট  কৃষি উন্নয়ন বিষয়া চক্ৰৰ অধীনৰ পদুমনি উন্নয়ন খণ্ডৰ বৰফুকনখাত গাঁৱত মঙলবাৰে অসম এগ্ৰিবিজনেছ আৰু গ্ৰাম্য ৰূপান্তৰ প্ৰকল্প চমুকৈ এপার্টৰ অধীনত একে ঠাইতে সুকীয়া সুকীয়াকৈ বিভিন্ন প্ৰজাতিৰ ধানৰ খেতি (ৰাইচ ভেৰাইটি কেফেটেৰিয়া)ৰ এটা অংশীদাৰীত্বমূলক মূল্যায়ন কাৰ্যসূচী অনুষ্ঠিত হয় । গোলাঘাটৰ জিলা কৃষি বিষয়াৰ কাৰ্যালয় আৰু অসম এগ্ৰিবিজনেছ আৰু গ্ৰাম্য ৰূপান্তৰ প্ৰকল্প তথা কৃষি প্ৰযুক্তি ব্যৱস্থাপনা সংস্থা চমুকৈ এপার্ট-আত্মাৰ উদ্যোগত অনুষ্ঠিত এই কাৰ্যসূচী জ্যেষ্ঠ কৃষি উন্নয়ন বিষয়া (এগ্ৰ') তথা এপাৰ্টৰ জিলা ন'ডেল বিষয়া ৰঞ্জন বৰুৱাই শুভাৰম্ভ কৰে । তেওঁ কয় যে একে ঠাইতে সুকীয়া সুকীয়াকৈ বিভিন্ন প্ৰজাতিৰ ধানৰ খেতি (ৰাইচ ভেৰাইটি কেফেটেৰিয়া)ৰ পৰা কৃষকসকলে উৎপাদন কৰিবলগীয়া শস্য সন্দৰ্ভত এটা নিশ্চিত পূৰ্বানুমান তথা কি প্ৰজাতিৰ খেতি কৰিব এই সম্পৰ্কে এটা সিদ্ধান্তত উপনীত হ'ব পাৰে । ব্যক্তিগত অংশীদাৰীত্বৰে ইয়াৰ দ্বাৰা তেওঁলোকে ভৱিষ্যত সময়ত বিজ্ঞানসন্মত আৰু অৰ্থনৈতিকভাৱে উৎপাদন সুনিশ্চিত কৰিব পাৰে । এইক্ষেত্ৰত কৃষি উৎপাদক প্ৰতিষ্ঠানসমূহক জিলা কৃষি বিভাগে প্ৰয়োজনীয় পৰামৰ্শ আগবঢ়োৱাৰ লগতে সহায়-সহযোগিতা আগবঢ়াই যাব বুলি তেওঁ উল্লেখ কৰে । অনুষ্ঠানত মহকুমা কৃষি বিষয়া অনুপম গগৈয়ে ধান খেতিৰ বিভিন্ন শৈলী আৰু প্ৰযুক্তিৰ ব্যৱহাৰ সন্দৰ্ভত বিতংভাৱে ব্যাখ্যা কৰে । অনুষ্ঠানত জ্যেষ্ঠ কৃষি উন্নয়ন বিষয়া জয়া গোস্বামী, সদৌ অসম পথাৰ পৰিচালনা সমিতিৰ গোলাঘাট জিলাৰ সাধাৰণ সম্পাদক হৰি নাৰায়ণ বৰা, আন্তৰাষ্ট্ৰীয় ধান গৱেষণা কেন্দ্ৰৰ কনিষ্ঠ গৱেষক অংকিতা চাহু আৰু ভালেসংখ্যক বিশিষ্ট ব্যক্তিৰ লগতে স্থানীয় কৃষকসকল উপস্থিত আছিল । অনুষ্ঠানৰ অংশৰূপে বিভিন্ন ঠাইৰ পৰা অহা ৩৫ গৰাকী কৃষকে বিভিন্ন প্ৰজাতিৰ ধানৰ মূল্যায়ন কৰে ।উল্লেখযোগ্য যে বিশ্ব বেংকৰ অৰ্থ সাহায্যৰে গোলাঘাট জিলাৰ চাৰিটা কৃষি উন্নয়ন বিষয়া চক্ৰৰ অধীনত ৰূপায়িত এই এপার্ট প্ৰকল্পৰ দ্বাৰা খেতিয়কসকলে নিজে খেতিৰ বাবে উপযুক্ত প্ৰজাতি নিৰ্ধাৰণ কৰিব পাৰিব । ২,২০০ বৰ্গ মিটাৰ এলেকাত উদ্যমী কৃষক বীৰেন গগৈৰ পথাৰত আন্তঃৰাষ্ট্ৰীয় ধান গৱেষণা কেন্দ্ৰ আৰু গোলাঘাট জিলা কৃষি বিভাগৰ তত্বাৱধানত এই একে ঠাইতে সুকীয়া সুকীয়াকৈ বিভিন্ন প্ৰজাতিৰ ধানৰ খেতি কৰা হৈছে । 

 

*জনসংযোগ, গোলাঘাট*

NORTHEAST NEWS INDIA

Notifications

Golaghat COVID-19🦠😷 Details

Golaghat COVID-19🦠😷 Details

গোলাঘাটত ৰাষ্ট্ৰীয় প্ৰেছ দিৱস উদযাপন*

জনসংযোগ, গোলাঘাট প্ৰেছ বিজ্ঞপ্তি নংঃ ১৯৭

*গোলাঘাটত ৰাষ্ট্ৰীয় প্ৰেছ দিৱস উদযাপন*

গোলাঘাট, ১৬ নৱেম্বৰঃ গোলাঘাট জিলা প্ৰশাসন আৰু জিলা তথ্য আৰু জনসংযোগ বিষয়াৰ কাৰ্যালয়ৰ উদ্যোগত আজি জিলা উপায়ুক্তৰ কাৰ্যালয়ৰ সভাকক্ষত ৰাষ্ট্ৰীয় প্ৰেছ দিৱস উদযাপন কৰা হয় । এই উপলক্ষে ৰাষ্ট্ৰীয় প্ৰেছ দিৱসৰ এইবাৰৰ বাণী "সংবাদ মাধ্যমক সমীহ নকৰে কোনে" শীৰ্ষক বিষয় লৈ এটা আলোচনা অনুষ্ঠিত হয় । জিলা উপায়ুক্ত মৃগেশ নাৰায়ণ বৰুৱাৰ সভাপতিত্বত অনুষ্ঠিত সভাত কেইবাগৰাকীও জ্যেষ্ঠ সাংবাদিক আৰু বিশিষ্ট ব্যক্তিয়ে ভাষণ দিয়ে । সভাত সাংবাদিক পেঞ্চনাৰ তথা জ্যেষ্ঠ সাংবাদিক দ্বীপেন দত্তই কয় যে সংবাদ মাধ্যমে মুক্তভাৱে আত্মসংযমেৰে নিজৰ দায়বদ্ধতাৰ পৰিচয় দি স্বাধীনতা উপভোগ কৰিব লাগে যাতে গণতান্ত্ৰিক ব্যৱস্থাটো শক্তিশালী হয় । চৰকাৰ আৰু জনসাধাৰণৰ মাজত সংবাদ মাধ্যমে এটা সেঁতুৰ দৰে কাম কৰে বুলি উল্লেখ কৰি তেওঁ বাক স্বাধীনতা আৰু দায়িত্বৰ মাজত ভাৰসাম্য ৰক্ষা কৰি চলিবলৈ সাংবাদিকসকলৰ প্ৰতি আহ্বান জনায় । সভাত আন এগৰাকী সাংবাদিক পেঞ্চনাৰ তথা জ্যেষ্ঠ সাংবাদিক অপূৰ্ব বল্লভ গোস্বামীয়ে গোলাঘাট জিলাৰ কেইবাগৰাকীও জ্যেষ্ঠ সাংবাদিকক স্মৰণ কৰি কয় যে মফচলীয় বহু সাংবাদিকে যথেষ্ট নিষ্ঠা আৰু একাগ্ৰতাৰে কাম কৰি আছে । তেওঁ সাংবাদিকসকলৰ স্বাৰ্থত গ্ৰহণ কৰা বিভিন্ন আঁচনি বা সা-সুবিধাসমূহৰ বাবে চৰকাৰক ধন্যবাদ জ্ঞাপন কৰে । সভাত তথ্য আৰু জনসংযোগ বিভাগৰ অৱসৰপ্ৰাপ্ত যুটীয়া সঞ্চালক জিতেন কাকতিয়ে কয় যে সংবাদ মাধ্যমৰ সৈতে জড়িত আটাইতকৈ গুৰুত্বপূৰ্ণ বিষয়টোৱে হৈছে দায়বদ্ধতা । কলমৰ শক্তি আৰু দায়বদ্ধতাই এজন সাংবাদিকৰ নিষ্ঠা আৰু সততাৰ পৰিচয় দিয়ে বুলি তেওঁ কয় । অনুষ্ঠানত জ্যেষ্ঠ সাংবাদিক মাখন লাল বাঢ়ৈয়ে চাহ বাগিচাৰ লোকসকলৰ বিভিন্ন সমস্যাৰাজি উলিয়াই অনাৰ লগতে চৰকাৰ-প্ৰশাসনৰ আগত উপস্থাপন কৰাৰ ক্ষেত্ৰত সাংবাদিকসকলক নিজৰ দায়বদ্ধতাৰ পৰিচয় দিবলৈ সাংবাদিকসকলৰ প্ৰতি আহ্বান জনায় । সভাত জিলা উপায়ুক্তগৰাকীয়ে সভাপতিৰ আসনৰ পৰা কয় যে ৰাইজ আৰু চৰকাৰৰ মাজত সংযোগ স্থাপনৰ আটাইতকৈ সহজ মাধ্যম হৈছে সাংবাদিকসকল । তেওঁ লগতে প্ৰতিটো পক্ষৰে মতামত বা প্ৰতিক্ৰিয়াক গুৰুত্ব আৰোপ কৰি এটা বাতৰি প্ৰকাশ কৰিলেহে সেই বাতৰি নিৰপেক্ষ হয় বুলি মত প্ৰকাশ কৰে । তেওঁ বৰ্তমান সময়ত গুৰুত্বপূৰ্ণ ভূমিকা পালন কৰা ৱেব পৰ্টেলসমূহৰ বাবেও অনাগত সময়ত নীতি-নিৰ্দেশনা যুগুত কৰা হ'ব বুলি আশা প্ৰকাশ কৰে । সভাত সাংবাদিক পেঞ্চনাৰ দুগ্ধ দত্ত, জ্যেষ্ঠ সাংবাদিক ভৱানন্দ কলিতা, নবীন গোহাঁই, দ্বীপমনি খাটনিয়াৰ আৰু কেইবাগৰাকীও সাংবাদিকে বক্তব্য আগবঢ়ায় । অনুষ্ঠানত অতিৰিক্ত উপায়ুক্ত কুলদীপ হাজৰিকা আৰু ভালেসংখ্যক সাংবাদিকে অংশ লয় । সভাৰ আৰম্ভণিতে বন্তি প্ৰজ্জলন কৰাৰ পাছত জিলা তথ্য আৰু জনসংযোগ বিষয়া পম্পী দেৱীয়ে সভাৰ উদ্দেশ্য ব্যাখ্যা কৰে । 

*জনসংযোগ, গোলাঘাট*

NORTHEAST NEWS INDIA

Golaghat COVID-19🦠😷 Details

Golaghat COVID-19🦠😷 Details

*গোলাঘাটত ভোটাৰ তালিকাৰ সংক্ষিপ্ত সংশোধনীৰ অংশৰূপে ১৩ আৰু ১৪ নৱেম্বৰত বিশেষ অভিযান, কুইজ প্ৰতিযোগিতা*

জনসংযোগ, গোলাঘাট প্ৰেছ বিজ্ঞপ্তি নংঃ ১৯৬

*গোলাঘাটত ভোটাৰ তালিকাৰ সংক্ষিপ্ত সংশোধনীৰ অংশৰূপে ১৩ আৰু ১৪ নৱেম্বৰত বিশেষ অভিযান, কুইজ প্ৰতিযোগিতা*

গোলাঘাট, ১১ নৱেম্বৰঃ গোলাঘাট নিৰ্বাচনী জিলাৰ বাবে ২০২২ চনৰ ভোটাৰ তালিকাৰ সংক্ষিপ্ত সংশোধনীৰ অংশৰূপে অহা ১৩ আৰু ১৪ নৱেম্বৰত বিশেষ অভিযান চলোৱাৰ দিহা কৰা হৈছে । সেই অনুসৰি ১৩ নৱেম্বৰত গোলাঘাট জিলাৰ উপায়ুক্তৰ কাৰ্য্যালয়ত থকা নিৰ্বাচন শাখাত অথবা সংশ্লিষ্ট ভোটগ্ৰহন কেন্দ্ৰত পুৱা ১০ বজাৰ পৰা দিনৰ ১২ বজালৈকে নতুন ভোটাৰসকলে তেওঁলোকৰ নাম পঞ্জীয়ন কৰিব পাৰিব । ভোটগ্ৰহন কেন্দ্ৰসমূহত বি এল অ'সকল উপস্থিত থাকিব । আনহাতে ১৪ নৱেম্বৰত গোলাঘাটৰ আৱৰ্ত ভৱনৰ সমীপত থকা আম্বেদকাৰ ভৱনৰ চৌহদত বিশেষ নাম পঞ্জীয়ন শিবিৰৰ আয়োজন কৰা হৈছে । এই শিবিৰত এখন আন্তঃ মহাবিদ্যালয় পৰ্যায়ৰ কুইজ প্ৰতিযোগিতাও অনুষ্ঠিত হ'ব । একাদশ শ্ৰেণীৰ পৰা স্নাতক পৰ্যায়লৈকে ছাত্ৰ-ছাত্রীসকলে এই কুইজ প্ৰতিযোগিতাত অংশগ্ৰহণ কৰিব পাৰিব । প্ৰতিযোগিতাৰ প্ৰতিটো দলত দুজনকৈ সদস্য থাকিব । 

*জনসংযোগ, গোলাঘাট*

NORTHEAST NEWS INDIA