Golaghat COVID-19🦠😷 Details

Golaghat COVID-19🦠😷 Details

Breaking news

*গোলাঘাট জিলা অসামৰিক প্ৰতিৰক্ষা বিভাগৰ নৱনিযুক্ত ৱাৰ্ডেনসকলৰ সভা সম্পন্ন*

জনসংযোগ, গোলাঘাট প্ৰেছ বিজ্ঞপ্তি নং : ১৬৪

*গোলাঘাট জিলা অসামৰিক প্ৰতিৰক্ষা বিভাগৰ নৱনিযুক্ত ৱাৰ্ডেনসকলৰ সভা সম্পন্ন*

গোলাঘাট, ২২ ছেপ্টেম্বৰঃ গোলাঘাট জিলাৰ উপায়ুক্তৰ কাৰ্য্যালয়ৰ সভাকক্ষত আজি গোলাঘাট জিলা অসামৰিক প্ৰতিৰক্ষা বিভাগৰ নৱনিযুক্ত ৱাৰ্ডেনসকলৰ এখন সভা অনুষ্ঠিত হয় । জিলা উপায়ুক্ত শ্ৰী মৃগেশ নাৰায়ণ বৰুৱাৰ সভাপতিত্বত অনুষ্ঠিত সভাত জিলা অসামৰিক প্ৰতিৰক্ষা বিভাগৰ অধীনত স্বেচ্ছামূলকভাৱে নিযুক্তি লাভ কৰা ২৭ গৰাকী ৱাৰ্ডেনক জিলা প্ৰশাসনৰ তৰফৰ পৰা অভিনন্দন জ্ঞাপন কৰা হয় । উপায়ুক্তগৰাকীয়ে বিনা বেতনে ত্যাগৰ মনোভাৱেৰে সেৱা আগবঢ়াবলৈ অহা ৱাৰ্ডেনসকলক অনাগত যিকোনো দুৰ্যোগৰ সময়ত জিলাবাসীলৈ সহায়ৰ হাত আগবঢ়াব পৰাকৈ সাজু হৈ থাকিবলৈ আহ্বান জনায় । তেওঁ ৱাৰ্ডেনসকলে এইদৰে সেৱা আগবঢ়াবলৈ অহাটো নিঃসন্দেহে প্ৰশংসাৰ যোগ্য বুলি মত প্ৰকাশ কৰে । ইয়াৰ পূৰ্বে অসামৰিক প্ৰতিৰক্ষা বিভাগৰ উপ নিয়ন্ত্ৰক শ্ৰী সীমান্ত শৰ্মাই সভাৰ উদ্দেশ্য ব্যাখ্যা কৰে । সভাত অতিৰিক্ত উপায়ুক্ত শ্ৰী কুলদীপ হাজৰিকাৰ লগতে নৱনিযুক্ত ৱাৰ্ডেনসকল উপস্থিত আছিল ।

*জিলা তথ্য আৰু জনসংযোগ বিষয়া, গোলাঘাট*

*NORTHEAST NEWS INDIA*

*গোলাঘাটত ৰপ্তানিযোগ্য সেৱা আৰু সামগ্ৰীৰ প্ৰদৰ্শনী*

জনসংযোগ, গোলাঘাট প্ৰেছ বিজ্ঞপ্তি নং : ১৬৪

*গোলাঘাটত ৰপ্তানিযোগ্য সেৱা আৰু সামগ্ৰীৰ প্ৰদৰ্শনী* 

গোলাঘাট, ২২ ছেপ্টেম্বৰঃ আজাদি কা অমৃত মহোৎসৱৰ সৈতে সংগতি ৰাখি গোলাঘাট জিলাত ৰপ্তানিৰ সম্ভাৱনা সন্দৰ্ভত জিলা উদ্যোগ আৰু বাণিজ্য কেন্দ্ৰৰ উদ্যোগত আৰু জিলা প্ৰশাসনৰ সহযোগত অহা ২৪ ছেপ্টেম্বৰৰ পৰা বাণিজ্য সপ্তাহৰ আয়োজন কৰা হৈছে । এই বাণিজ্য সপ্তাহৰ অংশৰূপে জিলা পুথিভঁৰালৰ বাকৰিত জিলাখনৰ ৰপ্তানিযোগ্য সামগ্ৰী আৰু সেৱাসমূহৰ এখন প্ৰদৰ্শনীৰ আয়োজন কৰা হৈছে । সেইদিনা পুৱা ৯ বজাৰ পৰা আৰম্ভ হ'বলগীয়া এই প্ৰদৰ্শনীত ২০ খন বিপনীয়ে অংশগ্ৰহণ কৰিব । সপ্তাহৰ সৈতে সংগতি ৰাখি জিলা পুথিভঁৰালৰ সভাগৃহত ৰপ্তানি সন্মিলন শীৰ্ষক অনুষ্ঠানৰো আয়োজন কৰা হৈছে বুলি জিলা উদ্যোগ আৰু বাণিজ্য কেন্দ্ৰৰ মহা প্ৰৱন্ধকে জানিবলৈ দিছে । 

*জিলা তথ্য আৰু জনসংযোগ বিষয়া, গোলাঘাট*

*NORTHEAST NEWS INDIA*

গোলাঘাট জিলাত ১৪ গৰাকী মাটিৰ দালালক গ্ৰেপ্তাৰ

 গোলাঘাট জিলাত ১৪ গৰাকী মাটিৰ দালালক গ্ৰেপ্তাৰ

     

ৰাজ্যৰ ৰাজহ চক্ৰ বিষয়াৰ কাৰ্যালয় সমূহত চলি থকা মাটিৰ দালালৰাজক সমুলঞ্চে উভালি পেলোৱাৰ উদ্দেশ্যে মুখ্যমন্ত্ৰীয়ে কৰা ঘোষণাৰ পাছতে কালি নিশা আৰক্ষীয়ে ৰাজ্যখনত একপ্ৰকাৰৰ বৃহৎ অভিযান চলায় । মুখ্যমন্ত্ৰী ডঃ হিমন্ত বিশ্ব শৰ্মাই লোৱা দৃঢ় প্ৰদক্ষেপ লোৱাৰ পৰিপেক্ষিতত গোলাঘাট জিলাৰ মুঠ ১৪ গৰাকী মাটিৰ দালালক আৰক্ষীয়ে গ্ৰেপ্তাৰ কৰে ।  আৰক্ষীয়ে গ্ৰেপ্তাৰ কৰা মাটিৰ দালাল কেইজন হল দেৰগাঁও ৰাজহ চক্ৰ অধীনৰ শম্ভু ৰবিদাস, বিজিত ফুকন ,নৰেন ৰবিদাস, অজিত দত্ত,আচুৰ্য হাজৰিকা আৰু প্ৰভাত বৰা।সৰুপথাৰ ৰাজহ চক্ৰ অধীনৰ

ৰাজেন কোঁৱৰ ,মাণিক ঘোষাল আৰু হীৰালাল শিল। বোকাঘাট ৰাজহ চক্ৰ অধীনৰ লীলাধৰ পাটোৱাৰী, তৰণি বিদ্যা শইকীয়া,  যদুমনি খাউণ্ড আৰু দ্ৰোনকান্ত দাস আৰু মৰঙী ৰাজহ চক্ৰৰ অধীনৰ সুমিত তাঁতীক আৰক্ষীয়ে গ্ৰেপ্তাৰ কৰে। লক্ষ্যণীয় কথা এয়ে যে , গোলাঘাট ৰাজহ চক্ৰ বিষয়া কাৰ্যালয়ত দালালে দপদপাই থকাৰ পাছতো আৰক্ষীয়ে এজনকো গ্ৰেপ্তাৰ নকৰা ঘটনাই সম্প্ৰতি বিৰূপ চৰ্চা লাভ কৰিছে ।

কল্পনা ফুকনৰ ৰিপৰ্ট নৰ্থ ইষ্ট নিউজ ইণ্ডিয়া গোলাঘাট ৷

Golaghat COVID-19🦠😷 Details

Golaghat COVID-19🦠😷 Details

*গোলাঘাট জিলাত সাপ্তাহিক হাট-বজাৰ খোলাৰ অনুমতি*

জনসংযোগ, গোলাঘাট প্ৰেছ বিজ্ঞপ্তি নং : ১৬৩

*গোলাঘাট জিলাত সাপ্তাহিক হাট-বজাৰ খোলাৰ অনুমতি* 

গোলাঘাট, ২১ ছেপ্টেম্বৰঃ গোলাঘাট জিলাৰ কেতবোৰ ঠাইত ক'ভিড 19ত আক্ৰান্তৰ হাৰ বৃদ্ধি পাই থকাৰ প্ৰতি লক্ষ্য ৰাখি জিলা প্ৰশাসনে সাপ্তাহিক বজাৰ আৰু হাটসমূহ এবাৰত সৰ্বাধিক ৬ঘণ্টাৰ বাবে খোলাৰ অনুমতি প্ৰদান কৰিছে । জিলা দণ্ডাধীশ তথা জিলা উপায়ুক্ত শ্ৰী মৃগেশ নাৰায়ণ বৰুৱাই এই সম্পৰ্কে নিৰ্দেশনা জাৰি কৰিছে । ১৯ছেপ্টেম্বৰৰ পুৱা ৫ বজাৰ পৰা এই নিৰ্দেশ কাৰ্যকৰী হৈছে । হাট-বজাৰসমূহত মাস্ক পৰিধান কৰাটো বাধ্যতামূলক । বজাৰৰ ভিতৰত মাস্ক পৰিধান কৰা আৰু সামাজিক ব্যৱধান মানি চলা আদি বিষয়সমূহ হাট বা বজাৰ সমিতি অথবা লেছিসকলে সুনিশ্চিত কৰিব । তেওঁলোকে সমগ্ৰ বজাৰ এলেকাত সকলো ক'ভিড বিধি মানি চলাটোও সুনিশ্চিত কৰিব লাগিব বুলি নিৰ্দেশনাটোত কোৱা হৈছে । 

*জিলা তথ্য আৰু জনসংযোগ বিষয়া, গোলাঘাট*

*NORTHEAST NEWS INDIA*