03 July, 2021Golaghat Covid🦠 Details

03 July, 2021

Golaghat Covid🦠 Details

*স্বাস্থ্য বিভাগৰ প্ৰধান সচিব অনুৰাগ গোৱেলৰ গোলাঘাট জিলাৰ ক'ভিড পৰিস্থিতিৰ পৰ্যালোচনা* *বৃহৎ অঞ্চলৰ পৰিৱৰ্তে সৰু সৰু এলেকাক কণ্টেইনমেণ্ট জ'ন ঘোষণা কৰাত গুৰুত্ব আৰোপ* *ক'ভিড কেয়াৰ কেন্দ্ৰত স্বাস্থ্যৰ অৱনতি ঘটা ৰোগীক চিকিৎসালয়লৈ সময়মতে নিয়াটো সুনিশ্চিত কৰাৰ নিৰ্দেশ* *গোলাঘাট জিলাত ৰাজ্যিক গড়তকৈ বৃদ্ধি পোৱা নাই ১৮ বছৰৰ তলৰ লোকৰ সংক্ৰমণৰ হাৰ : গোৱেল*

03 July, 2021

প্ৰেছ বিজ্ঞপ্তি নং : ১১৪ জনসংযোগ, গোলাঘাট

*স্বাস্থ্য বিভাগৰ প্ৰধান সচিব অনুৰাগ গোৱেলৰ গোলাঘাট জিলাৰ ক'ভিড পৰিস্থিতিৰ পৰ্যালোচনা* 

*বৃহৎ অঞ্চলৰ পৰিৱৰ্তে সৰু সৰু এলেকাক কণ্টেইনমেণ্ট জ'ন ঘোষণা কৰাত গুৰুত্ব আৰোপ* 

*ক'ভিড কেয়াৰ কেন্দ্ৰত স্বাস্থ্যৰ অৱনতি ঘটা ৰোগীক চিকিৎসালয়লৈ সময়মতে নিয়াটো সুনিশ্চিত কৰাৰ নিৰ্দেশ* 

*গোলাঘাট জিলাত ৰাজ্যিক গড়তকৈ বৃদ্ধি পোৱা নাই ১৮ বছৰৰ তলৰ লোকৰ সংক্ৰমণৰ হাৰ : গোৱেল* 

গোলাঘাট, ৩ জুলাই : ৰাজ্য চৰকাৰৰ স্বাস্থ্য আৰু পৰিয়াল কল্যান বিভাগৰ প্ৰধান সচিব অনুৰাগ গোৱেলে আজি গোলাঘাট জিলাৰ উপায়ুক্তৰ কাৰ্য্যালয়ৰ সভাকক্ষত জিলাখনৰ ক'ভিড পৰিস্থিতিৰ পৰ্যালোচনা কৰে । তেওঁ জিলাখনত ক'ভিডৰ দ্ৰুত সংক্ৰমণ ৰোধ কৰাৰ বাবে বৃহৎ অঞ্চলৰ পৰিৱৰ্তে মাইক্ৰ কণ্টেইনমেণ্ট জ'ন অৰ্থাৎ সৰু সৰু এলেকাক কণ্টেইনমেণ্ট জ'ন হিচাপে ঘোষণা কৰাৰ বিষয়ত গুৰুত্ব আৰোপ কৰে । তেওঁ কয় যে সৰু সৰু কণ্টেইনমেণ্ট জ'ন কৰিলে তাত থকা ৰোগী আৰু অন্য লোকসকল প্ৰশাসন আৰু স্বাস্থ্য বিভাগৰ সম্পূৰ্ণ নিয়ন্ত্ৰণ তথা নিৰীক্ষণত থাকিব । তেওঁ লগতে ক'ভিডত মৃত্যুৰ হাৰ হ্ৰাস কৰাৰ বাবে ক'ভিড কেয়াৰ কেন্দ্ৰত স্বাস্থ্যৰ অৱনতি ঘটা ৰোগীক চিকিৎসালয়লৈ সময়মতে নিয়াটো সুনিশ্চিত কৰিবলৈ জিলা প্ৰশাসনক নিৰ্দেশ দিয়ে । তাৰ বাবে প্ৰয়োজনীয় এম্বুলেন্স মজুত ৰাখিবলৈ তেওঁ নিৰ্দেশ দিয়ে । আনহাতে সংক্ৰমণ বৃদ্ধি পোৱা নিৰ্দিষ্ট এলেকাত পৰীক্ষাৰ সংখ্যা বৃদ্ধিত গুৰুত্ব আৰোপ কৰি তেওঁ অধিক লোকক প্ৰতিষেধক প্ৰদান কৰাৰ বিষয়ত গুৰুত্ব আৰোপ কৰে । তেওঁ কয় যে পৰীক্ষাৰ সংখ্যা বৃদ্ধি জিলাখনত অধিক সংক্ৰমণ ধৰা পৰাৰ অন্যতম কাৰণ । এনেকৈয়ে ব্যাপক পৰীক্ষাৰ দ্বাৰা সংক্ৰমিত লোকসকলক উলিয়াই আনিব পাৰিলে ক'ভিড নিয়ন্ত্ৰণ কৰিব পৰা যাব বুলি তেওঁ মত প্ৰকাশ কৰে । বৈঠকৰ অন্তত সাংবাদিকৰ প্ৰশ্নৰ উত্তৰত তেওঁ কয় যে গোলাঘাট জিলাত ১৮ বছৰৰ তলৰ লোকৰ সংক্ৰমণৰ হাৰ ৰাজ্যিক গড়তকৈ বৃদ্ধি পোৱা নাই । জিলাখনত বৰ্তমান ক'ভিড কেয়াৰ কেন্দ্ৰত বিছনাৰ অভাৱ নাই বুলি উল্লেখ কৰি তেওঁ কয় যে গোলাঘাট অভিযান্ত্ৰিক মহাবিদ্যালয়ত স্থাপন কৰা ১৪০ খন বিছনাৰ কেন্দ্ৰটোও অতি সোনকালে কাৰ্যক্ষম হৈ উঠিব । তেওঁ কয় যে জিলাখনক অতিৰিক্ত ৩০হাজাৰ টেষ্টিং কিট দিয়া হৈছে যাতে পৰীক্ষাৰ ক্ষেত্ৰত কোনো সমস্যাৰ সৃষ্টি নহয় । বৈঠকত অংশ লৈ ৰাষ্ট্ৰীয় স্বাস্থ্য অভিযান, অসমৰ কাৰ্যবাহী সঞ্চালক ডাঃ মনোজ চৌধুৰীয়ে মাইক্ৰ কণ্টেইনমেণ্ট জ'নত থকা ৰোগীক প্ৰথমবাৰ ৰেপিড টেষ্ট কৰাৰ বিপৰীতে ১০ দিনত দ্বিতীয়টো পৰীক্ষা আৰ টি পি চি আৰ কৰিবলৈ পৰামৰ্শ আগবঢ়ায় । মাইক্ৰ কণ্টেইনমেণ্ট জ'নত ১৪ দিন কঠোৰভাৱে নীতি-নিৰ্দেশনাসমূহ পালন কৰিলে ক'ভিড নিয়ন্ত্ৰণ কৰিব পৰা যাব বুলি তেওঁ মত প্ৰকাশ কৰে । আজিৰ বৈঠকত জিলা উপায়ুক্ত মানৱেন্দ্ৰ প্ৰতাপ সিং, আৰু স্বাস্থ্য সেৱাৰ যুটীয়া সঞ্চালক ডাঃ অৰুণ চন্দ্ৰ মহন্তৰ লগতে স্বাস্থ্য বিভাগ আৰু জিলা প্ৰশাসনৰ ভালেসংখ্যক বিষয়া উপস্থিত আছিল ।

*জিলা তথ্য আৰু জনসংযোগ বিষয়া, গোলাঘাট*

03 July, 2021COVID-19🦠 update in Dima Hasao District date 02-07-2021

03 July, 2021

COVID-19🦠  update in 

Dima Hasao District date 02-07-2021

03 July, 2021Advertisement | Online applications are invited for the posts of Hindi/Bengali/Bodo Translator cum Content Writer, purely on temporary & Contractual basis.

03 July, 2021

Advertisement | Online applications are invited for the posts of Hindi/Bengali/Bodo Translator cum Content Writer, purely on temporary & Contractual basis.

03 July, 2021Covid Update Assam Covid19 Assam and actions taken as on 02/07/2021.

03 July, 2021

Covid Update Assam  

Covid19 Assam and actions taken as on 02/07/2021.

03 Jun, 2021সেই মানৱ জাতি, স্বাস্থ্যই পৰম ধন। স্বাস্থ্যৰ অবিহনে একো কথা চিন্তা কৰিব নোৱাৰি। স্বাস্থ্যৰ পৰাই সকলো সৃষ্টি। সকলোৱে স্বাস্থ্যৰ প্ৰতি যতন লওঁক, লগতে যি দুখিয়া নিচলা, তেওঁলোককো পাৰিলে সহায় কৰক। এয়াই মানৱ জাতিৰ এক প্ৰধান কতৰ্ব্য।।। মাধৱ গগৈ।।

03 Jun, 2021

সেই মানৱ জাতি, স্বাস্থ্যই পৰম ধন। স্বাস্থ্যৰ অবিহনে একো কথা চিন্তা কৰিব নোৱাৰি। স্বাস্থ্যৰ পৰাই সকলো সৃষ্টি। সকলোৱে স্বাস্থ্যৰ প্ৰতি যতন লওঁক, লগতে যি দুখিয়া নিচলা, তেওঁলোককো পাৰিলে সহায় কৰক। এয়াই মানৱ জাতিৰ এক প্ৰধান কতৰ্ব্য।।। 

মাধৱ গগৈ।।

*গোলাঘাটত নিশা ক'ভিড পৰিস্থিতিৰ পৰ্যালোচনা স্বাস্থ্যমন্ত্ৰীৰ* *এসপ্তাহত কাৰ্যক্ষম হ'ব ১০খন বিচনাৰ আইচিইউ, দুই/এদিনতে নিৰ্মাণৰ কাম আৰম্ভ হ'ব শিশু আইচিইউৰ* *৩০ খন বিচনাত অতিৰিক্তভাৱে কৰা হ'ব অক্সিজেনৰ ব্যৱস্থা* *উৰিয়ামঘাট ক'ভিড কেয়াৰ চেণ্টাৰক ক'ভিড চিকিৎসালয়লৈ উন্নীত কৰাৰ বাবে সিদ্ধান্ত গ্ৰহণ**সংক্ৰমণ ৰোধৰ বাবে সমগ্ৰ জিলাখনতে অধিক কঠোৰ নিৰ্দেশনা জাৰি কৰা সন্দৰ্ভতো আলোচনা*

03 July, 2021

প্ৰেছ বিজ্ঞপ্তি নং : ১১৩ জনসংযোগ, গোলাঘাট

*গোলাঘাটত নিশা ক'ভিড পৰিস্থিতিৰ পৰ্যালোচনা স্বাস্থ্যমন্ত্ৰীৰ*  

*এসপ্তাহত কাৰ্যক্ষম হ'ব ১০খন বিচনাৰ আইচিইউ, দুই/এদিনতে নিৰ্মাণৰ কাম আৰম্ভ হ'ব শিশু আইচিইউৰ* 

*৩০ খন বিচনাত অতিৰিক্তভাৱে কৰা হ'ব অক্সিজেনৰ ব্যৱস্থা* 

*উৰিয়ামঘাট ক'ভিড কেয়াৰ চেণ্টাৰক ক'ভিড চিকিৎসালয়লৈ উন্নীত কৰাৰ বাবে সিদ্ধান্ত গ্ৰহণ*

*সংক্ৰমণ ৰোধৰ বাবে সমগ্ৰ জিলাখনতে অধিক কঠোৰ নিৰ্দেশনা জাৰি কৰা সন্দৰ্ভতো আলোচনা* 

গোলাঘাট, ২ জুলাই : স্বাস্থ্যমন্ত্ৰী কেশৱ মহন্তই আজি নিশা গোলাঘাট জিলাৰ উপায়ুক্তৰ সভাকক্ষত অনুষ্ঠিত এখন বৈঠকত জিলাখনৰ ক'ভিড পৰিস্থিতিৰ পৰ্যালোচনা কৰে । তেওঁ ক'ভিড-19ৰ স্বাস্থ্যবিধি তথা চৰকাৰী নীতি-নিৰ্দেশনাসমূহ কঠোৰভাৱে পালন কৰাৰ লগতে ক'ভিডবিৰোধী যুঁজখনত সফল হোৱাৰ বাবে জিলা প্ৰশাসন আৰু স্বাস্থ্য বিভাগক সহযোগ কৰিবলৈ ৰাইজৰ প্ৰতি আহ্বান জনায় । তেওঁ কয় যে গোলাঘাট জিলাখনক ক'ভিডমুক্ত কৰাৰ বাবে ৰাজ্য চৰকাৰে জিলা প্ৰশাসনক সকলো ধৰণে সহায়-সহযোগিতা আগবঢ়াব । জিলাখনৰ ক'ভিড পৰিস্থিতিৰ বিতং পৰ্যালোচনা কৰি মন্ত্ৰীগৰাকীয়ে গৃহ আছুতীয়াকৰণত থকা লোকসকলে যাতে চৰকাৰী নীতি-নিৰ্দেশনা উলংঘা নকৰে তাৰ প্ৰতি সতৰ্ক হ'বলৈ জিলা প্ৰশাসনক নিৰ্দেশ দিয়ে । গৃহ আছুটীয়াকৰণৰ অনুমতি দিয়াৰ পাছতে যাতে সংশ্লিষ্ট ঘৰতো ছিল কৰাৰ ব্যৱস্থা কৰা হয়, সেইয়া সুনিশ্চিত কৰিবলৈ তেওঁ প্ৰশাসনক নিৰ্দেশ দিয়ে । আনহাতে এসপ্তাহৰ ভিতৰতে গোলাঘাটৰ শ্বহীদ কুশল কোঁৱৰ অসামৰিক চিকিৎসালয়ত নিৰ্মীয়মান ১০ খন বিচনাযুক্ত আই চি ইউ কক্ষটো কাৰ্যক্ষম কৰি তোলাৰ ব্যৱস্থা কৰিবলৈ তেওঁ নিৰ্দেশ দিয়ে । ইয়াৰোপৰি ৩০ খন বিচনাত অতিৰিক্তভাৱে অক্সিজেনৰ ব্যৱস্থা কৰিবলৈও বৈঠকত সিদ্ধান্ত লোৱা হয় । লগতে জিলাখনত ১০ খন বিচনাৰ শিশুৰ আই চি ইউ কক্ষ নিৰ্মাণৰ কামো দুই এদিনতে আৰম্ভ কৰা সন্দৰ্ভত আলোচনা কৰা হয় । বৈঠকত মন্ত্ৰীগৰাকীক অৱগত কৰোৱা হয় যে দুই/ তিনিদিনৰ ভিতৰতে গোলাঘাট অভিযান্ত্ৰিক মহাবিদ্যালয়ত স্থাপন কৰা ১৪০ খন বিচনাৰ ক'ভিড কেয়াৰ কেন্দ্ৰটো কাৰ্যক্ষম হৈ উঠিব । বৈঠকত আলোচনামৰ্মে সৰুপথাৰ সমষ্টিৰ উৰিয়ামঘাট আদৰ্শ চিকিৎসালয়ক বৰ্তমানৰ ক'ভিড কেয়াৰ কেন্দ্ৰৰ পৰা ক'ভিড চিকিৎসালয়লৈ উন্নীত কৰাৰ বাবেও সিদ্ধান্ত লোৱা হয় । তেওঁ কয় যে গোলাঘাট জিলাত ক'ভিডৰ অধিক সংক্ৰমণৰ প্ৰতি লক্ষ্য ৰাখি ৫০হাজাৰ প্ৰতিষেধক দিয়া হৈছে । আজিৰ বৈঠকত সমগ্ৰ জিলাখনতে ক'ভিডৰ দ্ৰুত সংক্ৰমণ ৰোধ কৰাৰ বাবে নীতি-নিৰ্দেশনাসমূহ অধিক কঠোৰ কৰা সন্দৰ্ভত বিতংভাৱে আলোচনা কৰা হয় । মন্ত্ৰীগৰাকীয়ে ক'ভিডৰ পৰা আৰোগ্য হোৱাৰ পিছত ল'বলগীয়া সাৱধানতা সন্দৰ্ভতো  সজাগতা সৃষ্টিৰ বিষয়ত গুৰুত্ব আৰোপ কৰে । বৈঠকত কৃষিমন্ত্ৰী তথা বোকাখাত সমষ্টিৰ বিধায়ক অতুল বৰায়ো ৰাইজক চৰকাৰী নীতি-নিৰ্দেশনাসমূহ মানি চলিবলৈ আহ্বান জনায় । তেওঁ এই ক্ষেত্ৰত ৰাজহ চক্ৰ বিষয়াসকলক সক্ৰিয় হ'বলৈ নিৰ্দেশ দিয়ে । তেওঁ লগতে ক'ভিড পৰীক্ষাত পজিটিভ ওলোৱা কোনো ৰোগীয়ে পৰীক্ষা কেন্দ্ৰৰ পৰা পলায়ন কৰিলে অথবা ক'ভিড বিধি উলংঘা কৰিলে তৎকালীনভাৱে আৰক্ষীক অৱগত কৰিবলৈ নিৰ্দেশ দিয়ে । আজিৰ বৈঠকত সৰুপথাৰ সমষ্টিৰ বিধায়ক বিশ্বজিৎ ফুকন, জিলা উপায়ুক্ত মানৱেন্দ্ৰ প্ৰতাপ সিং, আৰক্ষী অধীক্ষক ডাঃ ৰবীন কুমাৰ আৰু স্বাস্থ্য সেৱাৰ যুটীয়া সঞ্চালক ডাঃ অৰুণ চন্দ্ৰ মহন্তৰ লগতে স্বাস্থ্য বিভাগ আৰু জিলা প্ৰশাসনৰ ভালেসংখ্যক বিষয়া উপস্থিত আছিল ।

*জিলা তথ্য আৰু জনসংযোগ বিষয়া, গোলাঘাট*