9 Jun, 2020 আজি মাননীয় মুখ্যমন্ত্ৰী শ্ৰীযুত সৰ্বানন্দ সোণোৱালৰ অধ্যক্ষতাত অসম প্ৰশাসনীয় পদাধিকাৰী মহাবিদ্যালয়ত, অসম বোৰ্ড অব্ স্প'ৰ্টছৰ পৰিচালনা সমিতিৰ এখন বৈঠক অনুষ্ঠিত হয়। বোৰ্ড অব্ স্প'ৰ্টছৰ বিভিন্ন কাৰ্যাৱলী আৰু পৰিকল্পনা সন্দৰ্ভত বিতংভাৱে বৈঠকত আলোচনা কৰা হয়। বৈঠকত মুখ্যমন্ত্ৰীয়ে বোৰ্ড অব্ স্প'ৰ্টছৰ অধীনস্থ নেহৰু ষ্টেডিয়ামকে ধৰি অন্যান্য ক্ৰীড়াঙ্গণসমূহ আধুনিক ৰূপত গঢ়ি তোলাৰ পদক্ষেপ ল'বলৈ নিৰ্দেশ দিয়ে। মুখ্যমন্ত্ৰীগৰাকীয়ে ক্ৰীড়া প্ৰকল্পসমূহৰ জৰিয়তে ৰাজহ সৃষ্টি তথা বৃদ্ধিৰ ফলপ্ৰসূ ব্যৱস্থা গ্ৰহণৰ পোষকতা কৰে। ইয়াৰ বাবে অভিজ্ঞ আৰু পেছাদাৰী পৰামৰ্শদাতা নিয়োজিত কৰি আন্তঃগাঁথনিসমূহৰ ভৱিষ্যৎমুখী আৰু ৰাজহ অর্জনকাৰী মডেল সৃষ্টি কৰাৰ পদক্ষেপ ল'বলৈ মুখ্যমন্ত্ৰীয়ে নিৰ্দেশ প্ৰদান কৰে। বোৰ্ড অব্ স্প'ৰ্টছৰ অধীনত বিভিন্ন ক্ৰীড়া আন্তঃগাথঁনিসমূহৰ ভিতৰত থকা সা-সুবিধাবোৰ ছ'চিয়েল মিডিয়াকে ধৰি অন্যান্য সংবাদ মাধ্যমৰ জৰিয়তে উপযুক্ত প্ৰচাৰৰ ব্যৱস্থা ল'বলৈ মুখ্যমন্ত্ৰীয়ে নিৰ্দেশ দিয়ে, যাতে নৱপ্ৰজন্মৰ খেলুৱৈসকলে ইয়াৰ সুবিধা সম্পৰ্কে অৱগত হ'ব পাৰে। আজিৰ এই বৈঠকত মুখ্যমন্ত্ৰীৰ সৈতে উপস্থিত আছিল অসম বোৰ্ড অব্ স্প'ৰ্টছৰ উপাধ্যক্ষ তথা পঞ্চায়ত আৰু গ্ৰামোন্নয়ন বিভাগৰ মাননীয় মন্ত্ৰী শ্ৰী নৱ কুমাৰ দলেৰ লগতে বোৰ্ড অব্ স্প'ৰ্টছৰ সদস্য আৰু আন বিষয়ববীয়াসকল।

9 Jun, 2020 মাননীয় মুখ্যমন্ত্ৰী শ্ৰী যুত সৰ্বানন্দ সোণোৱালে তিনিচুকীয়াৰ বাঘজানত উপস্থিত হৈ সামগ্ৰিক পৰিস্থিতিৰ বুজ লোৱাৰ বাবে অসম চৰকাৰৰ উদ্যোগ মন্ত্ৰী শ্ৰী চন্দ্ৰমোহন পাটোৱাৰীক নিৰ্দেশ দিছে । সেইমৰ্মে উদ্যোগ মন্ত্ৰীগৰাকীয়ে আজি নিশাই বাঘজান অভিমুখে ৰাওনা হ'ব।

9 Jun, 2020 মাননীয় মুখ্যমন্ত্ৰী শ্ৰীযুত সৰ্বানন্দ সোণোৱালৰ কেন্দ্ৰীয় পেট্ৰ'লিয়াম মন্ত্ৰীক আহ্বান । তিনিচুকীয়াৰ বাঘজানৰ গেছ নিৰ্গমনস্থলীত সংঘটিত অগ্নিকাণ্ড নিৰ্বাপনৰ বাবে তাৎক্ষণিক আৰু ফলপ্ৰসূ ব্যৱস্থা গ্ৰহণৰ বাবে।

9 Jun, 2020 মাননীয় মূখ্যমন্ত্ৰী শ্ৰী যুত সৰ্বানন্দ সোণোৱালে তিনিচুকীয়াৰ বাঘজানৰ গেছ নিৰ্গমনস্থলীত সংঘটিত হোৱা অগ্নিকাণ্ড সন্দৰ্ভত গ্ৰহণ কৰা ব্যৱস্থাৰ বিষয়ে সংবাদ মাধ্যমক অৱগত কৰে।

9 Jun, 2020 তিনিচুকীয়াৰ বাঘজান তৈলখাদত জুইৰ লেলিহেন শিখাই আগুৰি ধৰিছে ।সম্প্ৰতি জুই নিৰ্বাপন কৰিবলৈ সক্ষম হোৱা নাই।

9 Jun, 2020 মাননীয় স্বাস্থ্য মন্ত্রী শ্ৰী যুত হিমন্ত বিশ্ব শৰ্মা, ডিমা হাচাও স্বায়ত্ব শাসিত পৰিষদৰ মুখ্য কাৰ্যবাহী সদস্য তথা আন সদস্য আৰু জিলা উপায়ুক্ত, আৰক্ষী অধীক্ষকৰ সৈতে যোৱা কালি হাফলঙত এক বৈঠকত মিলিত হৈ কোভিড-১৯ সম্বন্ধীয় বিভিন্ন বিষয় আলোচনা কৰে ৷ এই ক্ষেত্ৰত তৎপৰতা অধিক বৃদ্ধি কৰাৰ সন্দৰ্ভত ল'ব লগা পদক্ষেপসমূহৰ বিষয়েও আলোচনা কৰে ৷ বৈঠকত সতীৰ্থ মন্ত্ৰী শ্ৰী পীযুষ হাজৰিকা, সন্মানীয় সাংসদ শ্ৰী পল্লৱলোচন দাস আৰু কাৰ্বি আংলং স্বায়ত্ব শাসিত পৰিষদৰ মুখ্য কাৰ্যবাহী সদস্য শ্ৰী তুলিৰাম ৰংহাং ডাঙৰীয়াও উপস্থিত আছিল ৷

8 Jun, 2020 Stay prepared... be safe!