ব্লেক ফাংগাছ ( মিওকৰমাইক'চিছ)ক লৈ ইমান আতংকিত হব নালাগে।

22 May, 2021

ব্লেক ফাংগাছ ( মিওকৰমাইক'চিছ)ক লৈ ইমান আতংকিত হব নালাগে। এইবিধ ভেঁকুৰ জাতীয় ৰোগ কোনো নতুন নহয়, আগতেও আছিল; এই বিধ ৰোগৰ ৰোগীৰ লগত আমি ব্যক্তিগত ভাবে বহুবাৰ মুখামুখি হৈছো। এই ভেঁকুৰ বিধ আমাৰ মাটিত সচৰাচৰ থাকেই। কিন্তু এজন সুস্থ মানুহৰ শৰীৰত ই আক্ৰমণ কৰিব নোৱাৰে, আমাৰ শৰীৰৰ ৰোগ প্ৰতিৰোধী ক্ষমতাই ইয়াক বাধা দি থয়। ই কিন্তু এবিধ সুবিধাবাদী অনুজীৱ , সুযোগৰ সন্ধানত থাকে ; অনিয়ন্ত্ৰিত বহুমূত্ৰ ৰোগ, দীৰ্ঘ দিন ধৰি ষ্টেৰয়ডৰ ব্যৱহাৰ আৰু অন্যান্য কিছু কাৰকৰ বাবে যেতিয়া আপোনাৰ শৰীৰৰ ৰোগ প্ৰতিৰোধী ক্ষমতা দুৰ্বল হয় তেতিয়াই ই চেগ বুজি আক্ৰমণ কৰে, “হলা গছ দেখিলে বাগী কুঠাৰ মাৰে“৷ ইয়াৰ আক্ৰমণ কিন্তু ভয়ংকৰ। 

সেই বুলি ভয় খাব নালাগে দিয়ক, ইয়াৰ আক্ৰমণৰ পৰা বাছি থকাটো বৰ কঠিন নহয়-

* যদি আপোনাৰ বহুমূত্ৰ ৰোগ আছে তাক নিয়ন্ত্ৰণত ৰাখক।

* চিকিৎসকৰ বিনা পৰামৰ্শত ষ্টেৰয়ড জাতীয় ঔষধ নাখাব।

* কোভিডৰ পৰা পৰা বাচি থাকক, আই চি ইউত থকা কোভিড ৰোগীকহে এ আক্ৰমণৰ লক্ষ্য কৰি লৈছে।

  কোভিডৰ পৰা কেনেকৈ বাচি থাকিব লাগিব এই বিষয়ে আমি ইতিমধ্যে বহুবাৰ আলোচনা কৰিছোৱেই।মাস্কটো ভালকৈ পিন্ধক , কভিড আৰু ব্লেক ফাংগাছ দুয়োটাৰ পৰা বাচিব ৷

Written by Dr Sreemanta Madhab, Associate Professor of Medicine at AMC, Dibrugarh.