এগৰাকী ৫৫ বছৰীয়া মহিলা ৷ জতীল ৰোগত আক্ৰান্ত মহিলা গৰাকীৰ চিকিৎসা কৰাত ব্যৰ্থ হৈছে পৰিয়ালৰ লোক ৷ গোলাঘাট চহৰৰ পাৰ্শ্ব্ৱ্তী এলেকা কাঠকটিয়া গাঁৱৰ কৃষক ডিম্বেশ্বৰ বৰাৰ পত্নী তথা পাঁচ সন্তানৰ মাতৃ মিনাবৰা আক্ৰান্তহৈছে ব্লাড কেঞ্চাৰত ৷ ৫৫ বছৰীয়া মহিলা গৰাকীৰ তিনিজন পুত্ৰ আৰু দুগৰাকী কণ্যা ৷ পুত্ৰ-কণ্যা সকলোৰে আছে নিজ নিজ সংসাৰ ৷ কেইবছৰমানৰ আগতে মীনা অসুষ্ঠ হোৱাত তেওক চিকিৎসালয়লৈ নিয়া হয় যদিও চিকিৎসকে ৰোগ নিণয় কৰিব পৰা নাছিল ৷ বহু পৰীক্ষাৰ অন্তত মীনাৰ ব্লাড কেঞ্চাৰ হোৱা বুলি জানিব পাৰি পৰিয়ালটোৰ মুৰত সৰগ ভাঙি পৰিল ৷ চিকিৎসকে মীনাক গুৱাহাটীলৈ নিয়াৰ পৰামৰ্শ দিছে ৷ কিন্ত কোনো উপাই নাই পৰিয়ালটোৰ ৷ কিয়নো নিজৰ মাটিবাৰি ধনশিৰিনদীয়ে গ্ৰাস কৰাৰ পিচত আনৰ মাটিত ঘৰ সাজি যেনেতেনে দুবেলা দুমুঠি খাই আছে ৷ পুতেক কেইজনেও হাজিৰা কৰি পোৱাধন মাকৰ চিকিৎসাত খৰছ কৰিলে ৷ এতিয়া পৰিয়ালটোৰ পানীত হাঁহ নচৰা অৱস্থা হৈছে ৷ সেয়েহে দুৰ্ভগীয়া পৰিয়ালটোৱে ৰাইজলৈ আৰ্থিক সাহায্য বিছাৰিছে কোনো সদাসয় লোকে যদি আৰ্থিক অনুদান আগবঢ়ায় তেন্ত অসম গ্ৰামীণ বিকাশ বেংক গোলাঘাট শাখাৰ 7234010038933 আৰু আই এফ এচ চি ক’ড UTBIORRBAGB একাউণ্টত জমা দিব পাৰিব ৷ ধনৰ অনাতন হোৱাত তেওঁ আজি নিজেই কাঠকটিয়াৰ পৰা বাহন ভাড়াৰলৈ গোলাঘাটৰ অসম গ্ৰামীন বিকাশ বেংকত থকা ৫০০ টকা উলিয়াবলৈ যাবলগা হল ৷ কাৰণ তেওঁক বেংকৰ কোনোৱে কলে যে একাউণ্ট হ’ল্ডাৰ নিজে নাহিলে বেংকে ধন নিদিয়ে সেয়েহে ব্লাডকেঞ্চাৰ ৰোগী গৰাকীয়ে নিজেই ২০০ টকাত বেটাৰীৰিক্চা ভাড়াকৰি বেংকলৈ যাবলগা হ’ল ৷ এফালে ঘৰত এই জতীল ৰোগীৰ চিন্তা আৰু আনফালে ভূতৰ ওপৰত দানহ পৰাদি অন্য এক দুয্যোগ নামি আহিছে পৰিয়াটোলৈ ৷ ধনশিৰি নদীৰ পানী বাঢ়িলেই নদীৰ খহনীয়াই তেওলোকৰ জুপুৰীটো চিনচাৱ নোহোৱাৰ আশংকা আহি পৰিছে ৷ :::পাৰ্থ শইকীয়া গোলাঘাট ৷ ১০ জুন ২০২০