22 Jun, 2020 মাননীয় মুখ্যমন্ত্ৰী শ্ৰীযুত সৰ্বানন্দ সোণোৱালে। আজি মুখ্যমন্ত্ৰীৰ সভাকক্ষত গুৱাহাটী মহানগৰীকে ধৰি ৰাজ্যখনৰ ক'ভিড-১৯ সংক্ৰমণৰ শেহতীয়া স্থিতিৰ পৰ্যালোচনা কৰে । মাস্ক পৰিধান নকৰা আৰু সামাজিক দূৰত্বৰ লেখীয়া স্বাস্থ্যসন্মত বিধিসমূহ মানি নচলা ব্যক্তিৰ বিৰুদ্ধে কঠোৰ ব্যৱস্থা গ্ৰহণ কৰাৰ বাবে জিলাসমূহৰ উপায়ুক্ত আৰু আৰক্ষী অধীক্ষকক জৰুৰী নিৰ্দেশ জাৰি কৰিবলৈ মুখ্যমন্ত্ৰীগৰাকীয়ে মুখ্য সচিবক নিৰ্দেশ দিয়ে। বৈঠকৰ আৰম্ভণিতে স্বাস্থ্যমন্ত্ৰী ড° হিমন্ত বিশ্ব শৰ্মাই ৰাজ্যখনত ক'ভিড-১৯ সংক্ৰমণৰ শেহতীয়া স্থিতিৰ লগতে ৰোগ প্ৰতিৰোধৰ বাবে গ্ৰহণ কৰা ব্যৱস্থাৱলী সম্পৰ্কে মুখ্যমন্ত্ৰীক অৱগত কৰে। লগতে মহানগৰীৰ বৃহৎ সংখ্যক জনসাধাৰণৰ পৰীক্ষাৰ সহায়ক হোৱাকৈ ৩১টা ৱাৰ্ডতে একোটাকৈ নমুনা সংগ্ৰহ কেন্দ্ৰ তাৎক্ষণিকভাৱে স্থাপন কৰা হ'ব বুলি জনায়।