17 Jun, 2020 মহাবিদ্যালয়ৰ স্নাতক পৰ্যায়ৰ ছাত্ৰ-ছাত্ৰীসকললৈ কঢ়িয়াই আনিছে আন এক সুখবৰ। অসম চৰকাৰৰ উচ্চ শিক্ষা বিভাগে ২০১৯-২০ বিত্তীয় বর্ষৰ বাজেট অনুসৰি ছাত্ৰ-ছাত্ৰীসকলক বিনামূলীয়া পাঠ্যপুথি যোগান ধৰা হ'ব বুলি ঘোষণা কৰা হৈছিল। ইয়াৰ কিছু সংশোধন ঘটাই আজি শুভাৰম্ভ কৰিব 'প্ৰজ্ঞান ভাৰতী' আঁচনিৰ। এই আঁচনিখনৰ বৈশিষ্ট্য- * ৰাজ্যৰ সৰ্বমুঠ ৬৭, ৫৩১ গৰাকী ছাত্ৰ-ছাত্ৰীলৈ আগবঢ়াব এই আঁচনিখনৰ সুবিধা। * ইয়াৰ দ্বাৰা প্ৰতিগৰাকী ছাত্ৰ-ছাত্ৰীক পাঠ্যপুথি ক্ৰয়ৰ বাবে এক হাজাৰকৈ টকাৰ অনুদান আগবঢ়াব। * বেংক একাউণ্টযোগে প্ৰদান কৰিব এই ধনৰাশি। * আঁচনিখনৰ বাবে ৬কোটি ৭৫ লাখ ৩১ হাজাৰ টকা মুকলি কৰা হৈছে। * ২০২০-২১ বিত্তীয় বৰ্ষটো এই আঁচনিখন ৰূপায়ণ কৰা হ'ব।