16 May, 2020

পঞ্চায়ত আৰু গ্ৰামোন্নয়ন বিভাগৰ মাননীয় মন্ত্ৰী শ্ৰীনৱ কুমাৰ দলেয়ে দৰং জিলাৰ উপায়ুক্তৰ কাৰ্যালয়ৰ সভাকক্ষত জিলাখনৰ অন্তৰ্গত বিধানসভা সমষ্টিৰ বিধায়কসকলৰ উপস্থিতিত আয়োজিত এখন পৰ্যালোচনা সভাত অংশগ্ৰহণ কৰে। 

বৈঠকত মন্ত্ৰীগৰাকীয়ে গ্ৰামোন্নয়ন বিভাগৰ অধীনত ৰূপায়িত হৈ থকা আঁচনিসমূহ বিশেষকৈ এমজিএনৰেগাৰ জৰিয়তে বহিঃৰাজ্যৰ পৰা আহি কৰ্মহীন হৈ পৰা লোকসকলক জব কাৰ্ড প্ৰদান কৰি তেওঁলোকৰ জীৱিকা অর্জনত সহায় কৰাৰ বাবে বিভাগীয় বিষয়াসকলক নিৰ্দেশ দিয়ে।

লক্-ডাউন শিথিল হোৱাৰ পিছত বিভাগটোৰ বিভিন্ন আঁচনি যেনে এমজিএনৰেগা, পিএমএৱাই-জি, চতুৰ্দশ বিত্তীয় আয়োগ, এনএছপি, ডিৱাই এনআৰএলএম আদিৰ কাম আৰম্ভ কৰা হৈছে। গ্ৰাম্য অসমৰ অৰ্থনীতি সবল কৰিব পৰা এনে আঁচনিসমূহ যাতে ফলপ্ৰসূভাৱে ৰূপায়ন কৰিব পাৰি তাৰ বাবে মন্ত্ৰীগৰাকীয়ে জিলাই জিলাই গৈ পৰ্যালোচনা সভা অনুষ্ঠিত কৰি তাৰ বুজ লয়।