Golaghat COVID-19🦠😷 Details

Golaghat COVID-19🦠😷 Details

অবৈধ চুলাইমদৰ ফেক্টৰী হিচাপে চিহ্নিত হৈছিল এখন গাওঁ ৷ এতিয়া গাওখনত বিৰাজ কৰিছে অন্য এক পৰিবেশ ৷

 অবৈধ চুলাইমদৰ ফেক্টৰী হিচাপে চিহ্নিত হৈছিল এখন গাওঁ ৷ এতিয়া গাওখনত বিৰাজ কৰিছে অন্য এক পৰিবেশ ৷ 

গোলাঘাটৰ চেলেঙী গাৱঁত এসময়ত প্ৰায়বোৰ লোকৰ ঘৰত গঢ়ি উঠিছিল অবৈধ চুলাই মদৰ ফেক্টৰী ৷ এই চুলাইৰ বাবেই বহুতৰ পৰিয়াল ধৱংস হোৱাৰ সামান্তৰালভাবে নৱপ্ৰজন্মৰ মাজতো চুলাই সেৱন কৰা অভ্যাস গঢ়ি উঠিছিল  ৷২০১৯ চনৰ ফেব্ৰুৱাৰী মাহত শালমৰাত বিষাক্ত চুলাই সেৱন কৰি বহু পুৰুষ মহিলাৰ অকাল মৃত্যু হৈছিল ৷ বহুকেইটা শিশু অনাথ হোৱাৰ লগতে বহু মহিলাই বিধবা সাজ পিন্ধিছিল ৷ সেই সময়ত শিৰোনামা দখল কৰিছিল চেলেঙী গাওখনে ৷ গাওখনক জনচক্ষুৰ সন্মুখত নতুনকৈ প্ৰতিষ্ঠা কৰাৰ চিন্তা চৰ্চাৰে আগবাঢ়ি আহিল এজন যুৱক   বিজিত ফুকন ৷ তেওঁ ১৩ বছৰ ধৰি নগালেণ্ডত শিক্ষকতা কৰি থকা সময়ত নগালোকৰ সাংস্কৃতিক - সামাজিক পৰিবেশ দেখি অভিভূত হৈছিল আৰু চুলায়ে ধৱংসকৰা নিজ আপোন গাওঁত এনে পৰিবেশ ৰচনাৰ বাবে গাঁৱলৈ আহি সমাজকৰ্মী উমাকান্ত গগৈৰ সৈতে আলোচনা কৰিলে ৷ তেও আৰু কেইজনমান সমাজকৰ্মীৰ সহযোগত গাঁৱৰ ৰাইজক একগোট কৰি চেলেঙী নামঘৰৰ গইনালৈ সিদ্ধান্ত ললে যে চেলেঙী গাঁবত কোনোৱে চুলাই তৈয়াৰ কৰিব নোৱাৰিব ৷ বৰং নৱপ্ৰজন্মক নিতীশিক্ষা ;ধৰ্মজ্ঞান ; আৰু সাংস্কৃতিক শিক্ষাৰে শিক্ষিত কৰাৰ প্ৰচেষ্টা আৰম্ভ হ’ল ৷ প্ৰতিদিনে চেলেঙী নামঘৰত আৰম্ভ কৰিলে শংকৰী কলাকৃষ্টী নৃত্যগীতৰ অনুশীলন ৷ ৮নৱেম্বৰ বুধবাৰৰ দিনটোত উমাকান্ত গগৈৰ এই প্ৰচেষ্টাৰ এবছৰ হ’ল সেয়েহে চেলেঙী গাৱঁৰ নামঘৰত বিয়লিৰ পৰা অনুষ্ঠিত হ’ল শঙ্কৰী কলাকৃষ্টীৰ প্ৰদৰ্শনৰ লগতে গীত -নৃত্য ; নাটক আদিৰ অনুষঠান ৷ গাওখনৰ ৰাইজৰ লগতে কণ কণ শিশু সকলে সলাই পেলালে এসময়ৰ চুলাই গাওবুলি ৰাইজে ইতিকিং কৰা গাওখনৰ পৰিবেশ ৷ এতিয়া গাওখনৰ এঘৰতোনাই চুলাইৰ ফেক্টৰী ; বাটে ঘাটেও দেখাপোৱা নেযায় ধলং পলংকৈ খোজকাঢ়িঅহা মদাহী ৷ সন্ধিয়া হলে নামঘৰৰ পৰা বহু দূৰলৈ শুনাযায় ডবা 

 মৃদং খোল  তাল ;শংখ ; বাহীঁৰ সুৰ ৷ এক সাংস্কৃতিক পৰিবেশেৰে নৱৰূপ পাইছে গাওখনে ৷ :: 

কল্পনা ফুকনৰ ৰিপৰ্ট নৰ্থ ইষ্ট নিউজ ইণ্ডিয়া গোলাঘাট ৷

*বিশেষভাৱে সক্ষম লোকৰ অধিকাৰ আইন, ২০১৬ সন্দৰ্ভত সজাগতা অনুষ্ঠান সম্পন্ন**দিব্যাংগসকলৰ প্ৰতি সংবেদনশীল হৈ দায়বদ্ধতাৰ পৰিচয় দিয়ক : বিশেষভাৱে সক্ষম লোকৰ আয়ুক্ত দেৱেশ্বৰ বৰা*

জনসংযোগ, গোলাঘাট প্ৰেছ বিজ্ঞপ্তি নংঃ ১৯৫

*বিশেষভাৱে সক্ষম লোকৰ অধিকাৰ আইন, ২০১৬ সন্দৰ্ভত সজাগতা অনুষ্ঠান সম্পন্ন*

*দিব্যাংগসকলৰ প্ৰতি সংবেদনশীল হৈ দায়বদ্ধতাৰ পৰিচয় দিয়ক : বিশেষভাৱে সক্ষম লোকৰ আয়ুক্ত দেৱেশ্বৰ বৰা*

গোলাঘাট, ৯ নৱেম্বৰঃ বিশেষভাৱে সক্ষম লোকৰ অধিকাৰ আইন, ২০১৬ সন্দৰ্ভত প্ৰশাসনিক বিষয়া আৰু বিভিন্ন বিভাগৰ জিলা পৰ্যায়ৰ মুৰব্বী তথা কৰ্মচাৰীসকলক সজাগ কৰাৰ উদ্দেশ্যে আজি গোলাঘাট জিলাৰ উপায়ুক্তৰ কাৰ্য্যালয়ৰ সভাকক্ষত এটা সজাগতা কাৰ্যসূচী ৰূপায়ন কৰা হয় । জিলা প্ৰশাসনৰ সৌজন্যত আৰু প্ৰেৰণা প্ৰতিবন্ধী শিশু বিকাশ কেন্দ্ৰ, যোৰহাটৰ সহযোগত, বিশেষভাৱে সক্ষম লোকৰ আয়ুক্তৰ উদ্যোগত অনুষ্ঠিত সভাত দিব্যাংগসকলৰ অধিকাৰ আইন সন্দৰ্ভত বিতংভাৱে আলোচনা কৰা হয় । অনুষ্ঠানত বিশেষভাৱে সক্ষম লোকৰ আয়ুক্ত দেৱেশ্বৰ বৰাই দিব্যাংগ লোকসকলৰ অধিকাৰ আৰু তেওঁলোকৰ ২১ টা শ্ৰেণী সন্দৰ্ভত পাৱাৰপইণ্ট প্ৰেজেণ্টেচনৰ সহায়ত বিতংভাৱে বৰ্ণনা কৰে । তেওঁ দিব্যাংগ লোকসকল যাতে তেওঁলোকৰ অধিকাৰসমূহৰ পৰা বঞ্চিত নহয় তাৰ বাবে প্ৰতিটো বিভাগক সজাগ হৈ কাম কৰিবলৈ আহ্বান জনায় । প্ৰসংগক্ৰমে তেওঁ যিকোনো চৰকাৰী চাকৰিত দিব্যাংগৰ বাবে ৪ শতাংশ সংৰক্ষণ, তেওঁলোকৰ সৰ্বাত্মক শিক্ষা, উচ্চশিক্ষাৰ ক্ষেত্ৰত ৫ শতাংশ সংৰক্ষণ, প্ৰধানমন্ত্ৰী আৱাস যোজনাৰ গৃহ আবন্টনৰ ক্ষেত্ৰত ৫ শতাংশ সংৰক্ষণ, ছয়ৰ পৰা ১৮ বছৰ বয়সৰ ল'ৰা-ছোৱালীৰ বিনামূলীয়া শিক্ষা সুনিশ্চিত কৰা আদি বিষয়সমূহৰ ওপৰত আলোকপাত কৰে । তেওঁ দিব্যাংগ লোকসকলক লৈ সংবেদনশীল হ'বলৈ সকলোকে আহ্বান জনাই কয় যে যিকোনো ৰাজহুৱা স্থান বা কাৰ্যালয়ত যাতে বিশেষভাৱে সক্ষম লোকসকলে চলা-ফুৰা কৰিব পৰাকৈ সকলো সা-সুবিধা থাকে আৰু তেওঁলোকে যাতে কোনো সমস্যাৰ সন্মুখীন নহয় সেইয়া সুনিশ্চিত কৰাৰ বাবে প্ৰতিজন বিষয়া-কৰ্মচাৰী দায়বদ্ধ হ'ব লাগিব । কাৰ্যালয়সমূহত ৰেম্প বা লিফ্টৰ ব্যৱস্থা কৰা, শিক্ষানুষ্ঠানসমূহতো সকলো সা-সুবিধাৰ ব্যৱস্থা কৰা, ৰেলৱে ষ্টেচন, বাছ আস্থান, ৰাজপথ আদিত তেওঁলোকৰ বাবে ভ্ৰমণৰ অনুকূল ব্যৱস্থা সুনিশ্চিত কৰা আদি বিষয়ত তেওঁ গুৰুত্ব আৰোপ কৰে । দিব্যাংগ লোকসকলে যাতে চৰকাৰৰ সকলো সা-সুবিধা লাভ কৰে তাৰ বাবে বিশেষভাৱে সক্ষম লোকৰ একক পৰিচয় পত্ৰ চমুকৈ ইউ ডি আই ডি কাৰ্ডৰ বাবে নাম পঞ্জীয়ন কৰিবলৈ তেওঁ দিব্যাংগসকলৰ প্ৰতি আহ্বান জনায় । তেওঁ দিব্যাংগ লোকসকলক অৱহেলা কৰিলে বা তেওঁলোকৰ অধিকাৰ খৰ্ব কৰিলে আইনৰ অধীনত ব্যৱস্থা গ্ৰহণ কৰা হয় বুলিও উল্লেখ কৰে । তেওঁ প্ৰতিটো বিভাগকে এই দিশত সজাগ হৈ  কাম কৰিবলৈ আহ্বান জনায় । অনুষ্ঠানত জিলা উন্নয়ন আয়ুক্ত অৰ্পা বাগলাৰী আৰু জিলা প্ৰশাসনৰ বিষয়া-কৰ্মচাৰীসকল উপস্থিত আছিল । 

*জনসংযোগ, গোলাঘাট*

NORTHEAST NEWS INDIA

Golaghat COVID-19🦠😷 Details

Notifications

গোলাঘাটৰ ধনশিৰি নদীত অবৈধ বালি খনন : নীৰব প্ৰশাসন ৷

 গোলাঘাটৰ ধনশিৰি নদীত অবৈধ বালি খনন : নীৰব প্ৰশাসন ৷

 গোলাঘাট : ৮ নৱেম্বৰ

গোলাঘাটৰ ধনশিৰি নদীৰ পাৰত বালি মাফিয়াই অবৈধভাবে দিনে নিশাই বালিমাটি খান্দি চহৰৰ মাজমজিয়াৰ ৰাজপথেৰে কঢ়িয়াই বেপাৰ কৰি আহিছে ৷ ধনশিৰি নদীৰ   কাঠকটিয়া ; পুৰণা দলং আৰু বাইপাচত থকা নতুন দলংৰ দিশত দিনে ৰাতিয়ে এছকেভেটৰেৰে মাটি খান্দি বৃহৎ পুখুৰী সৃষ্টি কৰি ডাম্পাৰ ; টেক্টৰ ব’লেৰ’ আদিগাড়ীৰে মাটি সৰবৰাহ কৰি আহিছে ৷ বিশেষকৈ কাঠকটিয়া এলেকাত মুকলিকৈ ডাম্পাৰত বালিমাটি কঢ়িয়াই নিওতে ধুলিৰ ধুমুহা হোৱাত সমগ্ৰ এলেকাটো প্ৰদূষণ হোৱাৰ লগতে স্হানীয় লোকে  কাপোৰ ৰ’ডত দিয়া বা খাদ্যদ্ৰব্য বাহিৰলৈ উলিয়াব নোৱাৰা হৈছে ৷ উল্লেখ্য যে মুখ্যমন্ত্ৰী হিমন্তবিশ্ব শৰ্মাই “ শিল বালি ফৰেষ্টৰে ধৰাৰ আৱশ্যক নাই” বুলি মন্তব্য কৰাৰ বাতৰি প্ৰকাশ হোৱাৰ পিছত গোলাঘাটৰ শিল বালি আৰু অবৈধ মাটি খনন কৰা চোৰবোৰ উৎসাহিত হৈ বেপেৰোৱাভাবে এনে চুৰিকায্য চলাই আহিছে ৷ ইতিপূৰ্ব্বে বনবিভাগে এজন লেচিক ধনশিৰিনদীৰ পাৰৰ এক এলেকা নিবিদাযোগে দিছিল যদিও লেচীয়ে চৰকাৰি টেক্স পৰিশোধ নকৰাৰ বাবে এতিয়া গোলাঘাট এটাও মাটিৰ বৈধ্য মহল নাই ৷ ইয়াৰ সুযোগ লৈ বহু লোকে চৰকাৰি ৰাজহ নিদিয়াকৈ এনেদৰে ইচ্ছামতে মাটি খনন কৰি আহিছে ৷ ধনশিৰিনদীৰ পাৰৰ এলেকা সমূহত পোৱালী সহ বণ্যহস্তী জাকে বিচৰণ কৰি আহিছে ৷ বালি মাটি চোৰে এছকেভেটৰৰ সহায়ত সৃষ্টিকৰা বৃহৎ গাতঁৰ বাবেই হাতী আৰু আন বণ্যজন্তুৰ জীৱনলৈ ভাবুকি আহিছে ৷ ধনশিৰি নদীৰ পুৰণা দলংৰ সমীপত এনে মৰণ ফান্দৰূপী গাততঁ পৰি কেইবাজনো লোকৰ মৃত্যুহোৱাৰ উদাহৰণ আছে ৷ নদীখনৰ পাৰৰ মাটি খননৰ বিষয়টো বনবিষয়াসকলও জ্ঞাত যদিও  বনবিষয়াই এই বিষয়ত উপায়ুক্তইহে ব্যৱস্থা লবপাৰিব বুলি সাংবাদিকক জানিবলৈ দিয়ে ৷ ইফালে কিছূদিনৰ পূৰ্বে  জিলা উপায়ুক্তৰ সভাকক্ষ অনুষ্ঠিত এখন সভাত জিলাখনৰ পৰা অবৈধ কামকাজ সমূহ নিৰ্মূলৰ বাবে সাংবাদিকৰ সহযোগিতা বিচাৰিছি ৷ আৰু পৰিচয় গোপনৰ প্ৰতিশ্ৰুতি দি ফোনযোগে জনাবলৈ আহ্বান জনাইছিল ৷ কিন্ত এনে দুনীতি অনিতিৰ বিষয়ে জনাবলৈ সাংবাদিকে ফোন কৰিলেও উপায়ুক্ত গৰাকীৰ ফোনধৰিবলৈ বা পিছতো  ফোন কৰিবলৈ সময় নাই ৷ এনে শিথিলতাৰ বাবে এতিয়া গোলাঘাটৰ মুৰফুলনি ; দৈগ্ৰোং ; চামলাইপুৰত শিল বালি মাটি মাফিয়াই আৰু কাঠকটিয়া ; ধনশিৰি দুয়োখন দলংৰ সমীপত অবৈধ মাটি খনন কৰি লাখ লাখ টকা চৰকাৰি ৰাজহ ফাকিঁদি আহিছে ৷

প্ৰকাশ শৰ্মা ৰিৰ্পত NORTHEAST NEWS INDIA

*ক'ভিড প্ৰতিষেধক : গোলাঘাট জিলাত ১০ৰ পৰা ২০নৱেম্বৰলৈ ঘৰে ঘৰে চলিব সমীক্ষা**২২ৰ পৰা ৩০নৱেম্বৰলৈ ব্যাপক প্ৰতিষেধক প্ৰদান অভিযান*

জনসংযোগ, গোলাঘাট প্ৰেছ বিজ্ঞপ্তি নংঃ ১৯৪

*ক'ভিড প্ৰতিষেধক : গোলাঘাট জিলাত ১০ৰ পৰা ২০নৱেম্বৰলৈ ঘৰে ঘৰে চলিব সমীক্ষা*

*২২ৰ পৰা ৩০নৱেম্বৰলৈ ব্যাপক প্ৰতিষেধক প্ৰদান অভিযান*

গোলাঘাট, ৮ নৱেম্বৰঃ গোলাঘাট জিলাৰ উপায়ুক্ত মৃগেশ নাৰায়ণ বৰুৱাই জিলাখনত এতিয়াও ক'ভিড 19ৰ প্ৰতিষেধক ল'বলৈ বাকী থকা লোকসকলক অতি সোনকালেই প্ৰতিষেধক গ্ৰহণ কৰিবলৈ পুনৰ আহ্বান জনাইছে । আজি ক'ভিড প্ৰতিষেধক প্ৰদান সন্দৰ্ভত উপায়ুক্তৰ কাৰ্য্যালয়ৰ সভাকক্ষত অনুষ্ঠিত এখন বৈঠকত উপায়ুক্তগৰাকীয়ে কোনো ধৰণৰ সংকোচ নকৰাকৈ গৰ্ভৱতী অথবা প্ৰসূতি মাতৃকে ধৰি সকলোকে প্ৰতিষেধক গ্ৰহণ কৰিবলৈ আহ্বান জনায় । তেওঁ কয় যে অসম চৰকাৰে ক'ভিড স্বাস্থ্য আচঁনিকে ধৰি ৰাজ্য চৰকাৰৰ আন আঁচনিসমূহৰ সুবিধা লাভ কৰাৰ বাবে ক'ভিডৰ প্ৰতিষেধক গ্ৰহণ কৰাটো বাধ্যতামূলক ঘোষণা কৰিছে । ৰাজ্য চৰকাৰৰ অৰুণোদয়, প্ৰাৰ্থনা আদি আঁচনিসমূহৰ সা-সুবিধাসমূহ এতিয়াৰে পৰা ক'ভিডৰ প্ৰতিষেধক গ্ৰহণৰ স্থিতিৰ সৈতে সংযুক্ত কৰা হ'ব । প্ৰতিষেধক গ্ৰহণ নকৰা কোনো লোকে চৰকাৰী আঁচনিৰ সুবিধা লাভ কৰিব নোৱাৰিব বুলি উল্লেখ কৰি তেওঁ বিশেষকৈ চাহ বাগিচা অঞ্চলৰ লোকসকলক দ্বিতীয় পালি প্ৰতিষেধক ল'বলৈ আহ্বান জনায় । তেওঁ বৈঠকত অংশ লোৱা চক্ৰ বিষয়া আৰু খণ্ড উন্নয়ন বিষয়াসকলক গাঁৱে গাঁৱে গৈ প্ৰতিষেধক গ্ৰহণ সন্দৰ্ভত সবিশেষ বুজ ল'বলৈ নিৰ্দেশ দিয়ে । এই প্ৰক্ৰিয়াত গাঁওবুঢ়াসকলকো জড়িত কৰোৱাবলৈ আহ্বান জনাই তেওঁ কয় যে বৰ্তমান সময়ত প্ৰতিষেধক প্ৰদানেই জিলা প্ৰশাসনৰ সৰ্বোচ্চ অগ্ৰাধিকাৰৰ বিষয় । বৈঠকত ক'ভিড প্ৰতিষেধক প্ৰদান ব্যৱস্থাৰ দায়িত্বত থকা অতিৰিক্ত উপায়ুক্ত কুলদীপ হাজৰিকাই কয় যে ১০ৰ পৰা ২০ নৱেম্বৰৰ ভিতৰত প্ৰতিটো অঞ্চলতে ভোটগ্ৰহন কেন্দ্ৰ হিচাপত সমীক্ষা চলোৱা হ'ব আৰু প্ৰতিষেধক প্ৰদানৰ পৰা বাদ পৰা লোকসকলক চিনাক্ত কৰি উলিওৱা হ'ব । ২২ৰ পৰা ৩০ নৱেম্বৰৰ ভিতৰত মেগা প্ৰতিষেধক প্ৰদান কাৰ্যসূচী ৰূপায়ন কৰা হ'ব । তেওঁ জিলাখনত ১০০ শতাংশ

প্ৰতিষেধক প্ৰদানৰ লক্ষ্যত উপনীত হোৱাৰ বাবে জনসাধাৰণক সহযোগ কৰিবলৈ আহ্বান জনায় । বৈঠকত অতিৰিক্ত উপায়ুক্ত পল্লৱী গগৈ আৰু নিৰ্বাচন বিষয়া সুলক্ষণা বৰপাত্ৰগোঁহাইৰ লগতে চক্ৰ বিষয়া আৰু খণ্ড উন্নয়ন বিষয়াসকল উপস্থিত আছিল । ইফালে জিলাখনত ৬ নৱেম্বৰলৈকে মুঠ ১০,৩৬,৩৪০ পালি প্ৰতিষেধক প্ৰদান কৰা হৈছে । ইয়াৰে ৭,১১,৩৭৬ টা প্ৰথম পালি আৰু ৩,২৪,৯৬৪ টা দ্বিতীয় পালি প্ৰতিষেধক ।

*জনসংযোগ, গোলাঘাট*

NORTHEAST NEWS INDIA