Golaghat COVID-19🦠😷 Details

Golaghat COVID-19🦠😷 Details

মুখ্যমন্ত্ৰী ড০ হিমন্ত বিশ্ব শৰ্মাৰ অধ্যক্ষতাত ০৯-০৯-২০২১ ইং তাৰিখে অনুষ্ঠিত কেবিনেট বৈঠকৰ সিদ্ধান্তসমূহ

মুখ্যমন্ত্ৰী ড০ হিমন্ত বিশ্ব শৰ্মাৰ অধ্যক্ষতাত ০৯-০৯-২০২১ ইং তাৰিখে অনুষ্ঠিত কেবিনেট বৈঠকৰ সিদ্ধান্তসমূহ

[সংবাদ মাধ্যমক অৱগত কৰা অনুসৰি]

➡️ আজিৰ বৈঠকৰ আৰম্ভণিতে কেবিনেটে কালি নিমাতীঘাটৰ সমীপত সংঘটিত শোকাৱহ নাও দুৰ্ঘটনাত প্ৰাণ হেৰুওৱা ব্যক্তিৰ আত্মাৰ সদগতিৰ বাবে এক মিনিট সময় মৌন প্ৰাৰ্থনা কৰাৰ লগতে শোকসন্তপ্ত পৰিয়াললৈ গভীৰ সমবেদনা জ্ঞাপন কৰে৷ 

➡️ ৰাজ্য চৰকাৰৰ অতিৰিক্ত মুখ্য সচিব মণিন্দৰ সিঙক কালি নিমাতীঘাটত সংঘটিত নাও দুৰ্ঘটনাৰ তদন্তৰ দায়িত্ব অৰ্পণৰ বাবে আজিৰ কেবিনেটে সিদ্ধান্ত গ্ৰহণ কৰে৷ অহা এমাহৰ ভিতৰত তেওঁ এই তদন্তৰ প্ৰতিবেদন দাখিল কৰিব৷ উল্লেখযোগ্য যে ইতিমধ্যে যোৰহাট আৰক্ষীয়ে এই ঘটনা সন্দৰ্ভত এটা ফৌজদাৰী গোচৰ ৰুজু কৰি তদন্ত আৰম্ভ কৰিছে৷  

➡️ যোৰহাট-মাজুলী সংযোগী দলঙৰ নিৰ্মাণকাৰ্য যাতে নিদ্ধাৰ্ৰিত সময়ৰ ভিতৰত সম্পূৰ্ণ হৈ উঠে তাৰ বাবে ৰাষ্ট্ৰীয় ঘাইপথ আন্তঃগাঁথনি উন্নয়ন নিগম লিমিটেড [এন এইচ আই ডি চি এল] ৰ লগতে দলং নিৰ্মাণৰ লগত জড়িত অন্যান্যসকলৰ সৈতে প্ৰতিমাহে বৈঠকত মিলিত হৈ নিৰ্মাণ কাৰ্যৰ নিয়মীয়া নিৰীক্ষণৰ বাবে আজিৰ কেবিনেটে বিত্তমন্ত্ৰী অজন্তা নেওগক দায়িত্ব অৰ্পণ কৰে৷ ৰাজ্য চৰকাৰৰ তৰফৰ পৰা এই দলং নিৰ্মাণৰ ক্ষেত্ৰত প্ৰয়োজন সাপেক্ষে আনুসংগিক অতিৰিক্ত সহযোগিতা আগবঢ়োৱা হ’ব বুলিও সিদ্ধান্ত গ্ৰহণ কৰা হয়৷

➡️ যোৰহাট-মাজুলীৰ মাজৰ ফেৰী সেৱাকে ধৰি ৰাজ্যখনৰ সামগ্ৰিক জল পৰিবহন ব্যৱস্থাৰ এক বিস্তৃত সংস্কাৰ সাধনৰ বাবে মুখ্যমন্ত্ৰীয়ে অচিৰেই কেতবোৰ স্থায়ী আৰু ফলপ্ৰসূ ব্যৱস্থা ঘোষণা কৰিব বুলি বৈঠকত সিদ্ধান্ত লোৱা হয়৷

➡️ উগ্ৰপন্থী সংগঠন ডিমাছা নেশ্যনেল লিবাৰেশ্যন আৰ্মী [ডি এন এল এ] ই ৬ মাহৰ বাবে ঘোষণা কৰা একপক্ষীয় যুদ্ধবিৰতিৰ প্ৰতি সন্মান জনাই ৰাজ্য চৰকাৰেও পৰৱৰ্তী এমাহৰ বাবে সংগঠনটোৰ বিৰুদ্ধে কোনোধৰণৰ অভিযান নচলোৱাৰ বাবে আজিৰ বৈঠকত সিদ্ধান্ত গ্ৰহণ কৰা হয়৷ অৱশ্যে এই সময়ছোৱাত সংগঠনটোৰ সদস্যসকলে অস্ত্ৰ-শস্ত্ৰ লৈ মুকলিকৈ ঘূৰা-পকা কৰিব নোৱাৰিব আৰু ধনদাবীকে ধৰি কোনোধৰণৰ আসামাজিক ঘটনাত লিপ্ত হ’ব নোৱাৰিব৷ 

➡️ চৰকাৰী চাকৰিত যোগদানৰ বাবে এতিয়াৰে পৰা কোনোধৰণৰ পুলিচ ভেৰিফিকেশ্যনৰ প্ৰয়োজন নহ’ব বুলি আজিৰ কেবিনেটে সিদ্ধান্ত গ্ৰহণ কৰে৷ চাকৰিৰ বাবে নিৰ্বাচিত প্ৰাৰ্থীসকলে যোগদানৰ পূৰ্বে এই ক্ষেত্ৰত এখন স্ব-ঘোষণা পত্ৰ জমা দিব লাগিব৷ এই ঘোষণা পত্ৰ এটা পৰ্টেলত আপল’ড কৰা হ’ব৷ এই ঘোষণা পত্ৰত সন্নিৱিষ্ট তথ্য সন্দৰ্ভত ভৱিষ্যতে কোনোধৰণৰ অভিযোগ উত্থাপিত হ’লে আৰু সেই অভিযোগ সত্য প্ৰমাণিত হ’লে চাকৰিয়াল গৰাকীৰ বিৰুদ্ধে বিভাগীয় তথা আইনগত ব্যৱস্থা গ্ৰহণ কৰা হ’ব৷ 

➡️ এতিয়াৰে পৰা ৰাজ্যখনৰ নিৱনুৱা যুৱক-যুৱতীসকলে নিয়োগ বিনিময় কেন্দ্ৰত আধাৰ নম্বৰৰ জৰিয়তে অনলাইন যোগে পঞ্জীয়ন কৰিব পাৰিব বুলি আজিৰ কেবিনেট বৈঠকত সিদ্ধান্ত গ্ৰহণ কৰা হয়৷ অৱশ্যে আধাৰ কাৰ্ড নথকাসকলে অহা ৩১ মাৰ্চ পৰ্যন্ত নিয়োগ বিনিময় কেন্দ্ৰলৈ গৈও পঞ্জীয়ন কৰিব পাৰিব৷ অহা ১ এপ্ৰিল, ২০২১ৰ পৰা এই প্ৰক্ৰিয়া সম্পূৰ্ণৰূপে অনলাইন কৰা হ’ব৷ 

➡️ চৰকাৰী নিৰ্মাণকাৰ্যত বনজ তথা খনিজাত সম্পদ ব্যৱহাৰৰ বাবদ এতিয়াৰে পৰা বন বিভাগক পোনপটীয়াকৈ কোনোধৰণৰ ৰয়েল্টি পৰিশোধ কৰিব নালাগে৷ এই ক্ষেত্ৰত আদায় দিবলগীয়া ৰয়েল্টি নিদ্ধাৰ্ৰিত শতাংশ হিচাপত নিৰ্মাণকাৰ্যত জড়িত ঠিকাদাৰৰ বিল পৰিশোধৰ সময়ত কাটি ৰখা হ’ব৷ আনহাতে, চহৰাঞ্চলত ব্যক্তিগত খণ্ডত গৃহ নিৰ্মাণৰ ক্ষেত্ৰত পৰিশোধ কৰিবলগীয়া এনে ৰয়েল্টি সম পৰিমাণৰ ৪ টা কিস্তিত চৰকাৰী কোষাগাৰত জমা দিব লাগিব৷  

➡️ ৰাজ্য চৰকাৰৰ চাকৰিকে ধৰি অন্যান্য সকলো ক্ষেত্ৰত বিশেষভাৱে সক্ষম লোকসকলৰ বাবে থকা সংৰক্ষণৰ পৰিমাণ পূৰ্বৰ ৩ শতাংশৰ পৰা ৪ শতাংশলৈ বৃদ্ধিৰ বাবে আজিৰ কেবিনেটে সিদ্ধান্ত গ্ৰহণ কৰে৷

➡️ ৰাজ্যখনত শৈক্ষিক পাঠ্যক্ৰম আগবঢ়োৱা বিভিন্ন বিশ্ববিদ্যালয়ৰ স্বীকৃতিপ্ৰাপ্ত দূৰৱৰ্তী পাঠ্যক্ৰমৰ ডিগ্ৰী, ডিপ্ল’মা, চাৰ্টিফিকেট আদিৰ বৈধতা কায়িকভাৱে শিক্ষাদান কৰা অন্যান্য শৈক্ষিক পাঠ্যক্ৰমৰ প্ৰমাণপত্ৰসমূহৰ সৈতে সম পৰ্যায়ৰ হ’ব বুলি আজিৰ কেবিনেটে সিদ্ধান্ত গ্ৰহণ কৰে৷ 

➡️ আজিৰ কেবিনেটে ‘আছাম ষ্টেট অৰ্গেনিক মিছন এজেন্সি’ (Assam State Organic Mission Agency), চমুকৈ ‘অসমা’ নামৰ এটা নতুন সংস্থা গঠনৰ সিদ্ধান্ত গ্ৰহণ কৰে৷ ৰাজ্যখনত Mission Organic Value Chain Development (MOVCD) আৰু National Beekeeping and Honey Mission (NBHM) ৰ দৰে অভিযানৰ কাম-কাজ এই সংস্থাৰ তত্ত্বাৱধানত ৰূপায়িত হ’ব৷

গোলাঘাট পৰা মাধৱ গগৈ নৰ্থইষ্ট নিউজ ইণ্ডিয়া।

জাননী

Golaghat COVID-19🦠😷 Details

Golaghat COVID-19🦠😷 Details

*গোলাঘাটত অসম লোকসেৱা আয়োগৰ প্ৰাৰম্ভিক পৰীক্ষাৰ বাবে প্ৰস্তুতি সম্পূৰ্ণ*

জনসংযোগ, গোলাঘাট প্ৰেছ বিজ্ঞপ্তি নং : ১৫৫

*গোলাঘাটত অসম লোকসেৱা আয়োগৰ প্ৰাৰম্ভিক পৰীক্ষাৰ বাবে প্ৰস্তুতি সম্পূৰ্ণ*

গোলাঘাট, ৯ ছেপ্টেম্বৰ : অহা ১২ ছেপ্টেম্বৰত অসম লোকসেৱা আয়োগৰ অধীনৰ সংযুক্ত প্ৰতিযোগিতামূলক (প্ৰাৰম্ভিক) পৰীক্ষা, ২০২০ সুকলমে সম্পন্ন কৰাৰ বাবে গোলাঘাট জিলা প্ৰশাসনেও যাৱতীয় প্ৰস্তুতি সম্পূৰ্ণ কৰিছে । আজি জিলা উপায়ুক্তৰ কাৰ্য্যালয়ৰ সভাকক্ষত এই সম্পৰ্কীয় এখন বৈঠক অনুষ্ঠিত হয় । জিলা উন্নয়ন আয়ুক্ত অৰ্পা বাগলাৰীৰ সভাপতিত্বত অনুষ্ঠিত সভাত জিলা নডেল বিষয়া তথা অতিৰিক্ত উপায়ুক্ত মুন গগৈয়ে পৰীক্ষা সুকলমে সম্পন্ন কৰাৰ ক্ষেত্ৰত ছুপাৰভাইজাৰসকলক বিশেষভাৱে সতৰ্ক হ'বলৈ নিৰ্দেশ দিয়ে । প্ৰতিজন পৰীক্ষাৰ্থীৰ হাতত যাতে ই-এডমিছন চাৰ্টিফিকেট আৰু যিকোনো এখন পৰিচয় পত্ৰ  থাকে সেয়া সুনিশ্চিত কৰিবলৈ তেওঁ নিৰ্দেশ দিয়ে । সভাত অংশ লৈ অসম লোকসেৱা আয়োগৰ প্ৰতিনিধি মহম্মদ ৰফিক আহমেদে কয় যে পৰীক্ষাৰ্থীয়ে কোনো ধৰণৰ হাতঘড়ী বা অন্য আহিলা-পাতি লগত নিব নোৱাৰিব । কেৱল নীলা বা ক'লা চিয়াঁহীৰ বল পইণ্ট কলম, ই এডমিছন চাৰ্টিফিকেট আৰু পৰিচয় পত্ৰহে লগত ৰাখিব পাৰিব । তেওঁ কয় যে ক'ভিড-19ৰ সম্ভাব্য সংক্ৰমণৰ প্ৰতি লক্ষ্য ৰাখি বিশেষ সাৱধানতা অৱলম্বন কৰা হৈছে । সেই অনুসৰি এপালি বা দুয়োপালি প্ৰতিষেধক লোৱাৰ প্ৰমানপত্ৰ পৰীক্ষাৰ্থীয়ে লগত নিব লাগিব । যিসকলে প্ৰতিষেধক লোৱা নাই তেওঁলোকে ৪৮ ঘণ্টাৰ ভিতৰত ৰেট পৰীক্ষা কৰা নাইবা ৭২ ঘণ্টাৰ ভিতৰত আৰ টি পি চি আৰ পৰীক্ষা কৰা প্ৰমানপত্ৰ লগত নিব লাগিব । পৰীক্ষাৰ্থীসকলে মাস্ক পৰিধান কৰাটো বাধ্যতামূলক । সকলোকে থাৰমেল স্কেনিং কৰা হ'ব । একোজন পৰীক্ষাৰ্থীয়ে ছেনিটাইজাৰৰ সৰ্বাধিক ৬০ মিলিলিটাৰৰ বটল লগত ৰাখিব পাৰিব । উল্লেখযোগ্য যে গোলাঘাট জিলাত এইবাৰ ২০২০গৰাকী পৰীক্ষাৰ্থী এই পৰীক্ষাত অৱতীৰ্ণ হ'ব । ইয়াৰে ডি আৰ কলেজত ১৬ গৰাকী বিশেষভাৱে সক্ষম পৰীক্ষাৰ্থী থাকিব । গোলাঘাটত মুঠ ১২টা কেন্দ্ৰ থাকিব । কেন্দ্ৰসমূহ হ'ল ডি আৰ কলেজ, কমাৰ্চ কলেজ, এইচ পি বি গাৰ্লছ কলেজ, গভমেণ্ট বি বি এইচ এছ স্কুল, দণ্ডধৰ বৰুৱা গাৰ্লছ স্কুল, কে কে বি বি হাইস্কুল, টাউন হিন্দী হাইস্কুল, ফণী বৰদলৈ হাইস্কুল, বেংগলী হাইস্কুল, কচাৰিহাট হাইস্কুল, কচাৰিহাট গাৰ্লছ এইচ এছ স্কুল আৰু চান্দমাৰী হাইস্কুল । প্ৰতিটো কেন্দ্ৰত ১০০ৰ পৰা ২০০গৰাকী পৰীক্ষাৰ্থী থাকিব । প্ৰতিটো কেন্দ্ৰ আগতীয়াকৈ ছেনিটাইজ কৰাৰ ব্যৱস্থা কৰা হ'ব । পুৱা ১০ বজাৰ পৰা ১২ বজালৈ প্ৰথম কাকত আৰু বিয়লি ২ বজাৰ পৰা ৪ বজালৈ দ্বিতীয় কাকতৰ পৰীক্ষা অনুষ্ঠিত হ'ব । পৰীক্ষাৰ্থীসকলৰ সহায় হোৱাকৈ এটা নিয়ন্ত্ৰণ কক্ষ স্থাপন কৰা হৈছে । পৰীক্ষাৰ্থীসকলে 03774-283282 নম্বৰত এই নিয়ন্ত্ৰণ কক্ষলৈ ফোন কৰি পৰীক্ষা সম্পৰ্কীয় প্ৰশ্ন সুধিব পাৰিব । পুৱা চাৰে ৯ বজাৰ পৰা সন্ধিয়া ৫ বজালৈ এই নম্বৰত ফোন কৰিব পাৰিব ।

*জিলা তথ্য আৰু জনসংযোগ বিষয়া, গোলাঘাট*

*NORTHEAST NEWS INDIA*

Daily Flood Report of Golaghat District as on 09-Sep-2021

Daily Flood Report of Golaghat District as on 09-Sep-2021

*গোলাঘাটত আজিৰে পৰা গঁড়ৰ খড়্গৰ পুনৰীক্ষন প্ৰক্ৰিয়া আৰম্ভ*

জনসংযোগ, গোলাঘাট প্ৰেছ বিজ্ঞপ্তি নং : ১৫৪

*গোলাঘাটত আজিৰে পৰা গঁড়ৰ খড়্গৰ পুনৰীক্ষন প্ৰক্ৰিয়া আৰম্ভ*

গোলাঘাট, ৯ ছেপ্টেম্বৰ : গোলাঘাটৰ আৱৰ্ত ভৱনৰ সভাকক্ষত ব্যাপক নিৰাপত্তা ব্যৱস্থাৰ মাজেৰে আজিৰেপৰা গোলাঘাট কোষাগাৰত জমা কৰি ৰখা গঁড়ৰ খড়্গৰ পুনৰীক্ষণ প্ৰক্ৰিয়া আৰম্ভ হৈছে । ১৯ জনীয়া এখন কাৰিকৰী সমিতিয়ে খড়্গসমূহৰ পুনৰীক্ষণ প্ৰক্ৰিয়াত অংশ লৈছে । এই প্ৰক্ৰিয়াত মুঠ ১,১৯৫ টা খড়্গ পৰীক্ষা কৰা হ'ব । ইয়াৰে ১,১৯২ টা গোলাঘাট জিলা কোষাগাৰৰ পৰা আৰু তিনিটা যোৰহাটৰ পৰা অনা হৈছে । এই প্ৰক্ৰিয়া ১৫ ছেপ্টেম্বৰলৈকে চলিব । বন সংৰক্ষক তথা ভাৰতীয় বন সেৱা বিষয়া এম হুছেইনৰ অধ্যক্ষতাত আৰু উপ বন সংৰক্ষক খনিন্দ্ৰ দাস সদস্য সচিব হিচাপে থকা সমিতিখনত শীৰ্ষ বন বিষয়া, প্ৰকৃতিপ্ৰেমী সংগঠনৰ প্ৰতিনিধি, পৰিৱেশবিদ, সাংবাদিক আৰু কেইবাগৰাকীও বিশেষজ্ঞ আছে । কাৰিকৰী সমিতিৰ উপৰি কেন্দ্ৰীয় সমিতি আৰু স্থানীয় পৰ্যায়ত মাণ্ডলিক সমিতিও আছে । আটাইকেইখন সমিতিত প্ৰায় ৫০ জন সদস্য আছে । এই প্ৰক্ৰিয়াত গঁড়ৰ খড়্গসমূহ পৰীক্ষা কৰাৰ লগতে ডি এন এ নমুনা সংগ্ৰহ কৰা হ'ব । উল্লেখ্য যে সমগ্ৰ ৰাজ্যতে জমা কৰি ৰখা গঁড়ৰ খড়্গসমূহৰ পুনৰীক্ষণৰ বাবে ৭টা জ'নত ভাগ কৰি দিয়া হৈছিল । ইয়াৰে অন্যান্য জ'নসমূহৰ লগতে বোকাখাত জ'নৰ অধীনত কঁহৰাত ইতিমধ্যে পৰীক্ষা সম্পূৰ্ণ হৈছে । 

*জিলা তথ্য আৰু জনসংযোগ বিষয়া, গোলাঘাট*

*NORTHEAST NEWS INDIA*