21 Jun, 2021Golaghat Covid🦠 Details

21 Jun, 2021
Golaghat Covid🦠 Details

গোলাঘাট জিলাত মেগা ভেকচিনেছন অভিযানৰ প্ৰথম দিনাই ১২,৮৯৯ পালি প্ৰতিষেধক প্ৰদান*

21 Jun, 2021

জনসংযোগ, গোলাঘাট প্ৰেছ বিজ্ঞপ্তি নং : ১০৫/২০২১

 *গোলাঘাট জিলাত মেগা ভেকচিনেছন অভিযানৰ প্ৰথম দিনাই ১২,৮৯৯ পালি প্ৰতিষেধক প্ৰদান* 

 *নিৰ্ধাৰিত লক্ষ্য অতিক্ৰম* 

গোলাঘাট, ২১ জুন : গোলাঘাট জিলাত আজিৰে পৰা দৈনিক কমেও ১২ হাজাৰ লোকক ক'ভিড 19ৰ প্ৰতিষেধক প্ৰদান কৰাৰ বাবে জিলা প্ৰশাসন তথা জিলা স্বাস্থ্য বিভাগে লক্ষ্য নিৰ্ধাৰণ কৰিছে । সেই অনুসৰি আজি জিলাখনৰ বিভিন্ন ঠাইত স্থাপন কৰা ৬২ টা কেন্দ্ৰত বিভিন্ন বয়সৰ লোকক ১২,৮৯৯ পালি প্ৰতিষেধক প্ৰদান কৰা হয় । ইয়াৰে ১২,৭৮৬ টা প্ৰথম পালি আৰু ১১৩টা দ্বিতীয় পালি প্ৰতিষেধক প্ৰদান কৰা হয় ।  আজিৰ প্ৰতিষেধক প্ৰদান কেন্দ্ৰসমূহৰ ভিতৰত ২৯ টা কেন্দ্ৰ চাহ বাগিচাত স্থাপন কৰা হৈছিল । ইয়াৰে মৰঙি ক্ষুদ্ৰ প্ৰাথমিক স্বাস্থ্য কেন্দ্ৰ আৰু বোকাখাত ব্লক প্ৰাথমিক স্বাস্থ্য কেন্দ্ৰৰ অধীনত ৮ টাকৈ কেন্দ্ৰ চাহ বাগিচাত স্থাপন কৰা হয় । একেদৰে মিছামৰা ব্লক প্ৰাথমিক স্বাস্থ্য কেন্দ্ৰৰ অধীনত ৩খন চাহ বাগিচাক সামৰি লোৱা হয় । কমাৰবন্ধা আলি ব্লক প্ৰাথমিক স্বাস্থ্য কেন্দ্ৰৰ অধীনত ৫ খন চাহ বাগিচা আৰু চাৰিঙিয়া ব্লক প্ৰাথমিক স্বাস্থ্য কেন্দ্ৰৰ অধীনত ৫ খন চাহ বাগিচাত ক'ভিড 19 ৰ প্ৰতিষেধক প্ৰদান কৰা হয় । গোলাঘাট নগৰত স্থাপন কৰা ৩টা কেন্দ্ৰত আজি প্ৰতিষেধক প্ৰদান কৰা হয় । বিভিন্ন কেন্দ্ৰত ৰাইজে প্ৰতিষেধক গ্ৰহণৰ প্ৰতি ব্যাপক সঁহাৰি জনোৱা পৰিলক্ষিত হয় ।  উল্লেখযোগ্য যে মুখ্যমন্ত্ৰী ডঃ হিমন্ত বিশ্ব শৰ্মাই দিয়া নিৰ্দেশ অনুসৰি প্ৰতিষেধক প্ৰদানৰ সংখ্যা বৃদ্ধি কৰাৰ বাবে জিলা প্ৰশাসনে দৈনিক বৃহৎ সংখ্যক লোকক প্ৰতিষেধক প্ৰদানৰ পৰিকল্পনা কৰিছে ।  ইতিমধ্যে ৰাজ্য চৰকাৰে গোলাঘাট জিলাৰ বাবে দৈনিক ১০ হাজাৰ লোকক প্ৰতিষেধক  প্ৰদানৰ লক্ষ্য নিৰ্ধাৰণ কৰাৰ নিৰ্দেশ দিছে যদিও জিলা প্ৰশাসনে ১২ হাজাৰ লোকক দৈনিক প্ৰতিষেধক প্ৰদান কৰাৰ বাবে লক্ষ্য স্থিৰ কৰিছে । সম্পূৰ্ণ স্বাস্থ্য বিধি মানি প্ৰতিষেধক প্ৰদান কেন্দ্ৰসমূহত ১৮ বছৰ বয়সৰ উৰ্ধৰ লোকক চৰ্তহীনভাৱে  যিকোনো পালি প্ৰতিষেধক প্ৰদান কৰা হ'ব ।  জিলা প্ৰশাসনে বিনাদ্বিধাই প্ৰতিষেধক গ্ৰহণ কৰিবলৈ ৰাইজৰ প্ৰতি পুনৰ আহ্বান জনাইছে । ইফালে আজি গোলাঘাট জিলাৰ উপায়ুক্ত মানৱেন্দ্ৰ প্ৰতাপ সিঙে জিলাখনৰ কমাৰবন্ধা আলি ব্লক প্ৰাথমিক স্বাস্থ্য কেন্দ্ৰৰ অধীনৰ কমাৰবন্ধা উচ্চতৰ মাধ্যমিক বিদ্যালয়, মক্ৰং চাহ বাগিচা আৰু চ'কিটিং চাহ বাগিচাত স্থাপন কৰা ক'ভিড 19ৰ প্ৰতিষেধক প্ৰদান কেন্দ্ৰ পৰিদৰ্শন কৰে । 

জিলা তথ্য আৰু জনসংযোগ বিষয়া, গোলাঘাট

NORTHEAST NEWS INDIA

দুৰ্যোগ ব্যৱস্থাপনা প্ৰাধিকৰণৰ সুৰক্ষা দলে পৰিদৰ্শন কৰিলে গোলাঘাটৰ ছখন ক'ভিড চিকিৎসালয়-ক'ভিড কেয়াৰ কেন্দ্ৰদুৰ্যোগকালীন পৰিস্থিতিৰ জোৰা মৰাৰ বাবে চিকিৎসালয়সমূহত প্ৰয়োজনীয় আন্তঃগাঁঠনি আৰু প্ৰস্তুতিৰ পৰ্যবেক্ষণ

21 Jun, 2021

জনসংযোগ, গোলাঘাট প্ৰেছ বিজ্ঞপ্তি নং : ১০৪/২০২১ 

দুৰ্যোগ ব্যৱস্থাপনা প্ৰাধিকৰণৰ সুৰক্ষা দলে পৰিদৰ্শন কৰিলে গোলাঘাটৰ ছখন ক'ভিড চিকিৎসালয়-ক'ভিড কেয়াৰ কেন্দ্ৰ

দুৰ্যোগকালীন পৰিস্থিতিৰ জোৰা মৰাৰ বাবে চিকিৎসালয়সমূহত প্ৰয়োজনীয় আন্তঃগাঁঠনি আৰু প্ৰস্তুতিৰ পৰ্যবেক্ষণ

গোলাঘাট, ২১ জুন : অগ্নি নিৰ্বাপন ব্যৱস্থাকে ধৰি বিভিন্ন দুৰ্যোগকালীন পৰিস্থিতিৰ জোৰা মৰাৰ বাবে ক'ভিড চিকিৎসালয় আৰু ক'ভিড কেয়াৰ কেন্দ্ৰসমূহত পৰ্যাপ্ত আন্তঃগাঁঠনিৰ পৰ্যবেক্ষণ কৰাৰ বাবে আজি জিলা দুৰ্যোগ ব্যৱস্থাপনা প্ৰাধিকৰণৰ অধীনত গঠিত বিশেষ গোটে গোলাঘাট নগৰৰ ৬ খন ক'ভিড চিকিৎসালয় আৰু ক'ভিড কেয়াৰ কেন্দ্ৰ পৰিদৰ্শন কৰে । অসম ৰাজ্যিক দুৰ্যোগ ব্যৱস্থাপনা প্ৰাধিকৰণৰ নিৰ্দেশক্ৰমে গোলাঘাট জিলাত স্থাপন কৰা ১০ জনীয়া ৰেপিড চেফটি অদিট (আৰ এছ এ) দলটোৱে চিকিৎসালয়কেইখনত যিকোনো দুৰ্যোগৰ সময়ত ক'ভিড ৰোগীৰ সুৰক্ষাৰ বাবে থকা ব্যৱস্থাসমূহ পৰ্যবেক্ষণ কৰে । দলটোৱে বিশেষকৈ যিকোনো দুৰ্যোগৰ মুখামুখি হ'ব পৰাকৈ গ্ৰহণ কৰা প্ৰয়োজনীয় প্ৰস্তুতি, সম্ভাৱ্য অগ্নি নিৰ্বাপনৰ ব্যৱস্থা, চিকিৎসালয়সমূহত বিভিন্ন সা-সুবিধা যেনে বিদ্যুৎ, পানী, অক্সিজেন, যোগাযোগ ব্যৱস্থা আদি সুলভ হয়নে নহয় এই সম্পৰ্কে বিভিন্ন দিশ পৰ্যবেক্ষণ কৰে । আজি চিকিৎসালয় পৰিদৰ্শন কৰা দলটোত জিলা দুৰ্যোগ ব্যৱস্থাপনা প্ৰাধিকৰণৰ জিলা প্ৰকল্প বিষয়া, ক্ষেত্ৰ বিষয়া, লোকনিৰ্মাণ বিভাগ, এ পি ডি চি এল, ৰাষ্ট্ৰীয় স্বাস্থ্য অভিযান, গোলাঘাট আৰু জিলা স্বাস্থ্য বিভাগৰ প্ৰতিনিধি তথা অগ্নি আৰু জৰুৰী সেৱাৰ বিষয়া-কৰ্মচাৰী উপস্থিত আছিল । দলটোৱে শ্বহীদ কুশল কোঁৱৰ অসামৰিক চিকিৎসালয়, জি বি এম নাৰ্ছিং হোম, এইচ জি এম নাৰ্ছিং হোম, গোলাঘাট নাৰ্ছিং হোম, লাইফ লাইন হস্পিটেল আৰু গোলাঘাট কাৰাগাৰত থকা ক'ভিড কেয়াৰ কেন্দ্ৰ পৰিদৰ্শন কৰে । উল্লেখযোগ্য যে বিভিন্ন দুৰ্যোগৰ সময়ত ক'ভিড ৰোগীৰ সুৰক্ষা সুনিশ্চিত কৰাৰ বাবে অসম ৰাজ্যিক দুৰ্যোগ ব্যৱস্থাপনা প্ৰাধিকৰণৰ নিৰ্দেশক্ৰমে গোলাঘাট জিলাৰ উপায়ুক্তই অতিৰিক্ত উপায়ুক্ত তথা জিলা দুৰ্যোগ ব্যৱস্থাপনা প্ৰাধিকৰণৰ মুখ্য কাৰ্যবাহী বিষয়াৰ নেতৃত্বত এখন ১০ জনীয়া সমিতি গঠন কৰি দিছিল । এই সমিতিখনক গোলাঘাটৰ মুঠ ১২খন ক'ভিড চিকিৎসালয় পৰিদৰ্শন কৰি প্ৰতিবেদন দাখিল কৰিবলৈ নিৰ্দেশ দিয়া হৈছিল । পৰৱৰ্তী সময়ত দলটোৱে বোকাখাতৰ শ্বহীদ কমলা মিৰি অসামৰিক চিকিৎসালয়, খুমটাই আদৰ্শ চিকিৎসালয় ক'ভিড কেয়াৰ চেণ্টাৰ, উৰীয়ামঘাট আদৰ্শ চিকিৎসালয় ক'ভিড কেয়াৰ চেণ্টাৰ, এন আৰ এল নাৰ্ছিং হোম, কাছমাৰী আদৰ্শ চিকিৎসালয় আৰু জে এন ভি ক'ভিড কেয়াৰ চেণ্টাৰ পৰিদৰ্শন কৰিব ।

জিলা তথ্য আৰু জনসংযোগ বিষয়া, গোলাঘাট

NORTHEAST NEWS INDIA

গোলাঘাটত আন্তৰাষ্ট্ৰীয় যোগ দিৱস পালন : চি আৰ পি এফ জোৱান, পতঞ্জলি যোগ সমিতিৰ অংশগ্ৰহণ

21 Jun, 2021

জনসংযোগ, গোলাঘাট প্ৰেছ বিজ্ঞপ্তি নং : ১০৩/২০২১

গোলাঘাটত আন্তৰাষ্ট্ৰীয় যোগ দিৱস পালন : চি আৰ পি এফ জোৱান, পতঞ্জলি যোগ সমিতিৰ অংশগ্ৰহণ 

গোলাঘাট, ২১ জুন : গোলাঘাট জিলা প্ৰশাসনৰ উদ্যোগত আজি গোলাঘাট জিলা ক্ৰীড়া সন্থাৰ ইনড'ৰ ষ্টেডিয়ামত সপ্তম আন্তঃৰাষ্ট্ৰীয় যোগ দিৱস পালন কৰা হয় । এই উপলক্ষে ক'ভিড-19ৰ নীতি-নিৰ্দেশনা মানি জিলা উপায়ুক্তৰ লগতে জিলা প্ৰশাসনৰ বিষয়া-কৰ্মচাৰী, চি আৰ পি এফৰ ১৪২ বেটেলিয়নৰ জোৱানসকল আৰু পতঞ্জলি যোগ সমিতি, গোলাঘাটৰ বিষয়ববীয়া তথা সদস্যসকলে যোগাভ্যাসৰ অনুশীলনত অংশ লয় । অনুষ্ঠানত দিয়া ভাষণত জিলা উপায়ুক্ত গৰাকীয়ে কয় যে যোগ ভাৰতীয় পৰম্পৰাৰ এটা গুৰুত্বপূৰ্ণ অংশ । মানসিক আৰু শাৰীৰিক স্বাস্থ্য অটুট ৰখাৰ বাবে তাহানিতে ঋষি-মুনিসকলে যোগ অনুশীলন কৰিছিল । যোগাভ্যাসক কেৱল শাৰীৰিক অনুশীলন হিচাপে নলৈ জীৱনশৈলী হিচাপে গ্ৰহণ কৰিবলৈ তেওঁ আহ্বান জনায় । অনুষ্ঠানত পতঞ্জলি যোগ সমিতি গোলাঘাটৰ লক্ষীধৰ শইকীয়া আৰু তেওঁৰ দলে উপস্থিত সকলোকে যোগ, প্রানায়াম আৰু ধ্যানৰ অনুশীলন কৰোৱায় । আজিৰ অনুষ্ঠানত জিলা উন্নয়ন আয়ুক্ত অৰ্পা বাগলাৰী, অতিৰিক্ত উপায়ুক্ত মুন গগৈ, কুলদ্বীপ হাজৰিকা, চি আৰ পি এফৰ ১৪২ বেটেলিয়নৰ চেকেণ্ড ইন কমাণ্ড নীৰজ কুমাৰ সিং, গোলাঘাট ক্ৰীড়া সন্থাৰ সম্পাদক সঞ্জীৱ সন্দিকৈ আৰু এইচ ডি এফ চি বেংকৰ প্ৰৱন্ধক সঞ্জীত মহন্তৰ লগতে জিলা প্ৰশাসনৰ কেইবাগৰাকীও বিষয়া উপস্থিত আছিল । আজিৰ অনুষ্ঠানটো সফল কৰাৰ ক্ষেত্ৰত এইচ ডি এফ চি আৰু কানাড়া বেংক, গোলাঘাট কৰ্তৃপক্ষই সহযোগিতা আগবঢ়ায় । 

জিলা তথ্য আৰু জনসংযোগ বিষয়া, গোলাঘাট

NORTHEAST NEWS INDIA

21 Jun, 2021হাফলং চৰকাৰী মহাবিদ্যালয়ৰ এইচএছ দ্বিতীয় বৰ্ষৰ শিক্ষাৰ্থীসকল যিসকলে এইচএছ ফাইনেল বৰ্ষৰ প্ৰাক-পৰীক্ষা পৰীক্ষাত অৱতীৰ্ণ হৈছে তেওঁলোকক তেওঁলোকৰ এইচএছএলচি মাৰ্কশ্বীট দাখিল কৰিবলৈ অনুৰোধ জনাইছে৷

21 Jun, 2021

হাফলং চৰকাৰী মহাবিদ্যালয়ৰ এইচএছ দ্বিতীয় বৰ্ষৰ শিক্ষাৰ্থীসকল যিসকলে এইচএছ ফাইনেল বৰ্ষৰ প্ৰাক-পৰীক্ষা পৰীক্ষাত অৱতীৰ্ণ হৈছে তেওঁলোকক তেওঁলোকৰ এইচএছএলচি মাৰ্কশ্বীট দাখিল কৰিবলৈ অনুৰোধ জনাইছে৷

21 Jun, 2021বিশ্বৰ সৰ্ববৃহৎ বিনামূলীয়া টিকাকৰণ অভিযান। আজিৰে পৰা আৰম্ভ হৈছে টিকাকৰণৰ বাবে পঞ্জীয়ন কৰক www.cowin.gov.in ত। ইয়াৰ উপৰিও টিকাকৰণ কেন্দ্ৰসমূহত প্ৰত্যক্ষ পঞ্জীয়নৰ সুবিধাও উপলব্ধ।

21 Jun, 2021

বিশ্বৰ সৰ্ববৃহৎ বিনামূলীয়া টিকাকৰণ অভিযান। আজিৰে পৰা আৰম্ভ হৈছে  টিকাকৰণৰ বাবে পঞ্জীয়ন কৰক www.cowin.gov.in ত। ইয়াৰ উপৰিও টিকাকৰণ কেন্দ্ৰসমূহত প্ৰত্যক্ষ পঞ্জীয়নৰ সুবিধাও উপলব্ধ।

21 Jun, 2021