20 May, 2021
নুমলীগড়ত ধোৱাচাঙত পৰিনত ক'ভিড প্ৰ'টকল, দৈগ্ৰোং বেংকত টকা উলিয়াবলৈ গ্ৰাহকৰ ভিৰ।
ৰাজ্যত ইতিমধ্যে সংহাৰী ৰূপ ধাৰণ কৰিছে কৰ'না মহামাৰীয়ে৷ প্ৰতিটো মুহূৰ্ততে বৃদ্ধি পাইছে আক্ৰান্তৰ সংখ্যা। ৰাজ্য চৰকাৰে ইতিমধ্যে কৰ'না সংক্ৰমন ৰোধৰ বাবে নীতি নিৰ্দেশনা জাৰি কৰিছে যদিও এচামে সেইবোৰ নীতি নিয়ম আওকান কৰি সমবেত হৈছে ৰাজহুৱা স্থানত। অসম গ্ৰামীন বিকাশ বেংক, দৈগ্ৰোং শাখাৰ দৃশ্য এইয়া৷ বেংকৰ পৰা টকা উলিয়াবলৈ ৰাতিপুৱা পৰা ভিৰ কৰিলে একাংশ গ্ৰাহকে৷ মাস্ক পিন্ধিছে যদিও নাই কোনো সামাজিক দূৰত্ব। বেংক কৰ্তৃপক্ষ তথা প্ৰশাসনে কোনোধৰনৰ পদক্ষেপ নোলোৱাৰ অভিযোগ কৰিছে স্থানীয় ৰাইজে। এইদৰেই এচামে এতিয়া চৰকাৰী নীতি নিয়ম উলংঘা কৰি বিপদ মাতি আনিছে সৰ্বসাধাৰন ৰাইজৰ বাবে। উল্লেখ্য যে কিছুদিন পূৰ্বেও উক্ত বেংকটোত টকা উলিয়াবলৈ গ্ৰাহকে যথেষ্ট ভিৰ কৰা পৰিলক্ষিত হৈছিল।
প্ৰকাশ শৰ্মা ৰিপৰ্ট গোলাঘাট
NORTHEAST NEWS INDIA
